So‘zgir — landing

O‘zbek tilidagi so‘z o‘yinlari platformasi So‘zgir ning tanishtiruv sahifasi. Maqsad ikkita: o‘yinni tushuntirish va foydalanuvchini ilovani yuklab olishga yo‘naltirish.

Sahifaning o‘zagi — brauzerda haqiqatan o‘ynaladigan So‘ztop. Demo emas: lug‘at ilovaning o‘zi ishlatadigan Firestore hujjatidan olinadi, kunlik so‘z esa serverda belgilangan so‘z — ya’ni saytdagi bugungi so‘z telefondagisi bilan aynan bir xil. Hisob ochilsa natija reytingga tushadi.

Nima bor

Bo‘lim	Nima qiladi
Hero	Haqiqiy So‘ztop birinchi ekranda: kunlik va cheksiz rejim, hisob, aqcha
So‘zjang	Do‘st bilan (kod orqali) va tezkor jang, reaksiyalar — /sozjang
G‘uncha	Yettita harfdan so‘z yig‘ish: kunlik va mashq — /guncha
G‘uncha jangi	Bir xil g‘uncha, uch daqiqa, kim ko‘p to‘plasa — /gunchajang
Qoida	Ikki bosqichli avto-demo, rang legendasi ustiga kursor kelganda ajratiladi
Alifbo	Yozilgan so‘zni jonli ravishda harf-kataklarga ajratadi
Yozuv	Butun sayt lotin, yangi lotin yoki kirillda — sarlavhadagi O‘ tugmasi
Modullar	So‘ztop, So‘zjang, Yangso‘z, G‘uncha, Reyting, Qo‘llab-quvvatlash
Kategoriyalar	10 mavzu + ilova afzalliklari
Savollar	Akkordeon FAQ
Yuklab olish	App Store va Google Play havolalari
Nishonlar	Yigirmata yutuq belgisi — /nishonlar
Javoblar	Bugungi so‘z va o‘tgan kunlar arxivi — /javoblar
Qo‘llanma	Uchta maqola: birinchi so‘z, taktika, qiyin joylar — /qollanma
Yangiliklar	Saytda va ilovada nima o‘zgardi — /yangiliklar
Cheksiz	Har uzunlik uchun o‘z sahifasi — /cheksiz/4-harf … /cheksiz/7-harf

Alohida sahifalar: /oynash (nimani o‘ynashni tanlash — sarlavhadagi «O‘ynash» tugmasi shu yerga olib keladi), /oyin (So‘ztop), /sozjang (bellashuv), /guncha (g‘uncha), /gunchajang (g‘uncha jangi), /cheksiz/{4..7}-harf (uzunlik bo‘yicha cheksiz rejim), /javoblar (bugungi javob va arxiv), /qollanma (+ uchta maqola), /nishonlar, /yangiliklar, /oyinchi/{uid} (o‘yinchining ochiq profili), /privacy (maxfiylik siyosati, o‘zbekcha + inglizcha) va /contact (aloqa ma’lumotlari + so‘rov formasi).

Bo‘limlar sarlavhadagi menyu tugmasida — u kompyuterda ham ochiladi. Ilgari bu o‘n yettita qatordan iborat, butun ekranni egallaydigan ro‘yxat edi: o‘yin, qo‘llanma va huquqiy sahifa bir xil ko‘rinishda yonma-yon turar, ro‘yxat esa ekranga sig‘masdi. Endi menyu — bitta kartochka (tugmaning ostida, o‘ng tomonda):

• O‘ynash tugmasi;
• o‘yinlar — emoji va nomi bilan kataklar (So‘ztop, So‘zjang, G‘uncha, Mardu maydon, Cheksiz);
• sahifalar — bir qator yorliq (javoblar, qo‘llanma, nishonlar, yangiliklar);
• loyiha — eng pastda, kichik yozuvda (qo‘llab-quvvatlash, ilova, aloqa, maxfiylik, Telegram);
• ostida hisob tugmasi.

Bosh sahifaning o‘z bo‘limlariga (qoida, alifbo, savollar) havola yo‘q: ular sahifani ochgan odamga baribir ko‘rinadi va menyuni uzaytirishdan boshqa ish qilmasdi.

React ilovadan tashqarida, public/ ichida turadigan mustaqil sahifalar: /ol — ulashish uchun yuklab olish havolasi (telefonda qurilmaning do‘koniga o‘zi yo‘naltiradi, kompyuterda ikkala tugmani ko‘rsatadi; ?stay=1 bilan yo‘naltirmaydi) va /donat — to‘lovdan qaytish sahifasi. Ular serverdan to‘g‘ridan-to‘g‘ri keladi, shuning uchun useRoute bilmagan manzilni ushlamaydi — bosilganda brauzerning o‘zi ochadi.

/ol ning har tarmoq uchun alohida manzili bor — pastdagi «Ulashish havolalari» bo‘limiga qaraldi.

O‘yin

O‘yin ikki joyda ko‘rinadi va ikkisi bitta Play komponentini ishlatadi:

• hero — yangi mehmonni ushlab qolish uchun, telefon ramkasi ichida;
• /oyin — qaytib keladiganlar uchun barqaror manzil: taxta, statistika va reyting bir joyda, tanishtiruv bloklarini aylanib o‘tirmasdan.

Holat brauzerda bir joyda saqlanadi, ya’ni hero’da boshlangan o‘yin /oyin da davom etadi va aksincha. Rejim tanlovi useGameChoice da — taxta va uning yonidagi statistika paneli bir xil rejimni ko‘rsatishi kerak.

Sarlavhadagi «O‘ynash» tugmasi har doim ko‘rinadi va /oynash ni ochadi — u yerda odam So‘ztop yoki So‘zjangni tanlaydi (ilgari So‘zjang sarlavhada alohida turardi, So‘ztopga esa yo‘l ko‘rinmasdi). Bo‘limlar ro‘yxati tor ekranda (≤980px) menyu tugmasi ostiga yig‘iladi. Juda tor ekranda (≤520px) sarlavhadan hisob tugmasi ham ketadi — u menyuning ichida bor.

Ikki rejim, ilovadagi qoidalar bilan:

Rejim	Qoida
Kunlik	Kuniga bitta 5 harfli so‘z, hamma uchun bir xil. Bir kunda bir marta o‘ynaladi, natija kunlik reytingga yoziladi.
Cheksiz	4–7 harf, xohlagancha. Ball so‘z uzunligiga bog‘liq, avval topilgan so‘z uchun 40 % kamayadi.

Boshlangan o‘yin brauzerda saqlanadi (sozgir.game.*): sahifa yangilanganda taxta o‘sha holatda qaytadi.

Kunlik o‘yin kuniga bitta — qurilmadan qat‘i nazar. Brauzerdagi yozuv faqat shu brauzerni biladi, telefonda o‘ynalgan o‘yinni esa bilmaydi. Shuning uchun kirilgan bo‘lsa daily_results/{sana}_5/entries/{uid} tekshiriladi: yozuv bor bo‘lsa taxta yopiladi va natija ko‘rsatiladi (taxminlar bizda yo‘q, shu sabab taxta emas, natija kartochkasi).

Bu shunchaki qoida emas, himoya ham: yozuv merge bilan bitta hujjatga tushadi, ya‘ni saytdagi ikkinchi o‘yin ilovada olingan yaxshiroq natijani bosib ketardi. Shu sababli navbatdagi (mehmon holatida o‘ynalgan) natija ham yozilishidan oldin xuddi shu tekshiruvdan o‘tadi.

Ma’lumot qayerdan keladi

Lug‘at va kunlik so‘z ochiq hujjatlar (allow read: if true), shuning uchun ularni olishda Firebase SDK ishlatilmaydi — src/firebase/rest.ts oddiy REST bilan o‘qiydi. Bu muhim: SDK ~100 KB, sahifaning asosiy vazifasi esa tanishtirish. SDK faqat foydalanuvchi kirganda yoki natija cloud’ga yozilganda import() bilan tortiladi.

dictionaries/uz_5 siqilgan holda ~74 KB va localStorage da saqlanadi, shuning uchun ikkinchi tashrifda o‘yin darhol boshlanadi. Versiya dictionaries/manifest bilan fon rejimida tekshiriladi: yangisi bo‘lsa keshga yoziladi va keyingi o‘yindan qo‘llanadi (so‘z o‘yin o‘rtasida almashmasligi kerak).

Kunlik so‘z avval daily/{sana}_5 dan olinadi; u bo‘lmasa ilovadagi deterministik tanlov (src/lib/daily.ts — DailyWordSelector ning porti) ishlaydi. Ikki yo‘l ham bir xil natija berishi shart, aks holda kunlik reyting bo‘linib ketadi.

Reyting va statistika

/oyin yonidagi ustunda ikki jadval bor va ikkisi ham ochiq hujjatlardan o‘qiladi, ya’ni ularni ko‘rish uchun kirish shart emas va SDK yuklanmaydi:

Jadval	Manba
Kunlik	daily_results/{sana}_5/entries, points desc
Bugun	daily_scores/{sana}/entries, points desc
Umumiy	scores, wealth desc

«Umumiy» jadvaldagi son — boylik: o‘yinlarda yig‘ilgan ball va o‘lja ustamasi (1 o‘lja = 1,5 aqcha). Maydonni server yozadi (onScoreWealth triggeri), sayt uni faqat o‘qiydi — formula ikki joyda hisoblansa ertami-kech ajralib ketardi. Eski hujjatda maydon bo‘lmasa yalang totalScore olinadi. Nomi o‘zgarmadi: saytda jamlangan hisob har doim aqcha deb ataladi, «boylik» so‘zi ekranga chiqmaydi (docs/aqcha.md).

Saralash bitta maydon bo‘yicha — qo‘shimcha indeks kerak emas, ilova ham xuddi shunday qiladi. Ikkala jadvalda ham faqat birinchi 10 o‘rin ko‘rsatiladi. Statistika paneli esa brauzerdagi ma’lumotdan tuziladi: g‘alaba foizi, ketma-ketlik va urinishlar taqsimoti.

Yordam (maslahat)

Cheksiz rejimda ilovadagi qoida: o‘ylash cho‘zilganda yordam o‘zi paydo bo‘ladi (src/lib/useHint.ts, ilovadagi hintLevel porti). So‘z uzunligiga qarab 15·(n−1) soniyadan keyin mavzu (kategoriya), undan ikki barobar keyin ma’no ochiladi; undan oldin taxta tepasida qancha qolgani sanab turiladi. Mavzu nomi categories/{id} dan faqat name va emoji maydonlari bilan olinadi (REST mask.fieldPaths) va brauzerda keshlanadi. Kunlik o‘yinda yordam yo‘q.

So‘zjangda maslahatni server beradi (battleGuess): harflarning 60 % i o‘z joyida topilgach bitta ochilmagan harf qaytariladi va u keyingi qatorga qulflanib tushadi; raqib «maslahat oldi» degan belgini ko‘radi, harfni esa bilmaydi.

O‘yinchi profili

/oyinchi/{uid} — ilovadagi PublicProfilePage ning veb ko‘rinishi (src/components/PlayerPage.tsx, src/lib/publicProfile.ts). Reyting qatori, jang natijasidagi raqib ismi va donatchilar ro‘yxati shu sahifaga olib boradi; hisob oynasida «Ochiq profilim» havolasi bor. Router uchun bu yagona parametrli manzil: useRoute uni /oyinchi deb biladi, identifikator routeParam() bilan olinadi.

Faqat ochiq ma’lumot yig‘iladi — qoidalar begona odam haqida shuni beradi: scores/{uid} (yig‘ilgan aqcha, topilgan so‘zlar), battle_ratings/ {uid} (o‘lja; jang o‘ynamagan bo‘lsa 1000 ko‘rsatilmaydi), bugungi daily_results/{sana}_5/entries/{uid} va donations (uid bo‘yicha). Shaxsiy statistika (users/{uid}) o‘qilmaydi, shu sabab ketma-ketlik va urinishlar taqsimoti yo‘q — sahifa buni yozib qo‘yadi.

Sahifadagi katta son — boylik (scores/{uid}.wealth), o‘rin ham shu maydon bo‘yicha sanaladi: jadval boshqa, profil boshqa maydonni saralasa, o‘rinlar bir-biriga to‘g‘ri kelmasdi.

Tasdiqlangan hisobning profili premium ko‘rinishda ochiladi («Tasdiqlangan hisoblar» bo‘limi) va unda «So‘zjangga chaqirish» tugmasi umuman chizilmaydi.

Hammasi SDK’siz, REST bilan: uch hujjat bitta batchGet da, jadvaldagi o‘rin runAggregationQuery (count, field > value — ilovadagi _rank bilan bir xil), donatlar runQuery. Manbalarning biri xato bersa qolgani qaytadi — sahifa yarim ma’lumot bilan ham ochiladi. «So‘zjangga chaqirish» sarlavhaning ostida (profile turi, pastdagi «Manzilli chaqiruvlar»).

Qo‘llab-quvvatlash sahifasi

/qollab — SupportPage.tsx: bosh sahifadagi qisqa bo‘limdan (Support.tsx, hisob + tugma + oxirgilari) farqli to‘liq sahifa. Chapda hissa qo‘shish shakli sahifaning o‘zida (oyna emas — sahifaga shuning uchun kelingan): tayyor summalar homiylik darajalarining chegaralari, tanlanganda «shu hissa bilan qaysi daraja bo‘lasiz» ko‘rinadi (kirgan odamda joriy yig‘indi bilan); ostida darajalar ro‘yxati. O‘ngda loyiha hisobi, top donatchilar (loadTopDonors — uid bo‘yicha, hisobsizlari ism bo‘yicha yig‘iladi, profil havolasi bilan) va oxirgilari. Kirgan odam tepada o‘z hissasini, darajasini va keyingisigacha qolgan summani ko‘radi (useDonorTotal, donorProgress). To‘lovga o‘tishda yig‘indi keshi tashlanadi (forgetDonorTotals) — qaytib kelganda yangi daraja chiqsin.

Homiylik darajalari

Donat qilgan o‘yinchi ajralib turadi (src/lib/donor.ts): avatar atrofida daraja rangidagi halqa (hamma avatar Avatar.tsx orqali chiqadi, shuning uchun reyting, arena, profil — hamma joyda), reyting kartochkasida daraja chipi va kartochkaning o‘zi daraja ohangida (rating--donor), profil sarlavhasida chip. Darajalar umumiy summadan: 5 000 — «Saxovatpesha» (bronza), 25 000 — «Eski boylardan» (oltin), 100 000 — «Boylarni boyi» (platina, kartochka ustidan yaltirash o‘tadi). Chegaralar DONOR_TIERS da, hozirgi donatlarga qarab qo‘yilgan.

Manba — donations (ochiq kolleksiya): bitta REST so‘rovda 300 tagacha yozuv olinib uid bo‘yicha yig‘iladi, xotirada va brauzer keshida (sozgir.donors, bir soat) turadi; har avatar do‘kondan so‘raydi, alohida so‘rov yubormaydi. Hisobsiz donat (uid yo‘q) sanalmaydi. Ilovada hozircha bunday ko‘rinish yo‘q — ko‘chirilsa, yig‘indini serverda (onDonationWrite → scores/{uid}.donated) yozib qo‘ygan ma’qul, shunda ikkalasi bitta maydondan o‘qiydi.

Muhrlar

Muhr — qo‘llagan odam o‘zi tanlaydigan kichik belgi, ism yonida turadi (Telegramdagi emoji-maqom kabi): reytingda, jangda, profilda — hamma joyda, chunki u PlayerName ichida chiqadi. Nishondan farqi: nishon qilingan ishning izi, muhr esa tanlov. Darajadan ham farq qiladi: daraja yig‘indidan o‘zi kelib chiqadi, muhr esa ochilgan ro‘yxatdan tanlanadi — aynan shu tanlov muhrni qiziq qiladi, ikki «Zodagon» ham bir xil ko‘rinmaydi.

O‘n ikkita muhr bor va ular daraja bo‘yicha ochiladi (src/lib/donorMark.ts, rasmlar public/muhr/, ilovaning assets/marks/ idan). Tanlash homiylik sahifasida (src/components/DonorMarks.tsx): darajasi yetgani bosiladi, qolgani qulfda turadi va qaysi darajada ochilishini aytadi. Bir vaqtda bittasi turadi — ikkitasi ism yonida yonma-yon turgan zahoti ism o‘qilmay qoladi; qayta bosilsa muhr olib tashlanadi.

Tanlangan muhr donors/{uid}.mark da, yig‘indi bilan bir hujjatda: serverning o‘zi total ni yozadi, mark ni esa faqat egasi o‘zgartiradi va qoida darajani yana bir bor tekshiradi. Sayt o‘qishda ham tekshiradi: muhr faqat darajasi yetganda chiziladi — moderator donatni tuzatib yig‘indi kamaysa, muhr o‘zi yo‘qoladi va daraja qaytsa o‘zi qaytadi. Ro‘yxat bitta REST so‘rovda olinadi va bir soat keshda turadi — darajalar bilan bir uslubda.

Reklama

Ilovadagi lib/core/ads/ ning veb muqobili: src/lib/ads.ts (sozlama, o‘chirish kaliti, Yandex skripti) va src/components/AdBanner.tsx (ramka va bosqichlar). Tarmoq bitta — Yandex Advertising Network; ilovadagi kaskadning ikkinchi bo‘g‘ini (AdMob) bu yerda yo‘q, chunki AdSense alohida moderatsiya va alohida hisob talab qiladi.

Bitta tur — banner. Oraliq oyna, video, pop-up, «sahifa ustidan chiqadigan» hech narsa yo‘q. Ilovadagi qoida bilan bir xil: o‘yin jarayoni to‘xtatilmaydi.

Qayerda turadi

Joylashuv	Sahifa	Qayerda	Tip
hub	/oynash	Kartochkalar va Telegram bannerdan keyin	edge
game	/oyin	Yon ustunning eng oxirida	inline
guncha	/guncha	Yon ustunning eng oxirida	inline
battle	/sozjang	Faqat lobbida, jadval ostida	inline
profile	/oyinchi/{uid}	Profil oxirida	inline

Bosh sahifada (/) reklama yo‘q: u tanishtiruv sahifasi va birinchi taassurot o‘sha yerda hosil bo‘ladi. O‘yin taxtasi, klaviatura, natija, so‘zjangning qidiruv va jang ekranlari, kirish oynasi, /qollab, /privacy va /contact ham reklamasiz.

Blok id‘lari src/lib/ads.ts dagi UNITS da — oddiy konstanta, chunki id maxfiy emas (u baribir sahifa kodida ko‘rinadi). Ilovadagi R-M-… bloklari yaramaydi: ular mobil ilova uchun, saytga Yandex Partner interfeysida «Sayt» turidagi alohida bloklar ochiladi. Bo‘sh qoldirilgan joylashuvda banner umuman chizilmaydi va sahifa reklama yo‘qday ko‘rinadi — ya‘ni bloklar ochilgunicha kod hech narsani buzmaydi. O‘z bloki bo‘lmagan joylashuv hub blokidan foydalanadi.

Nega g‘ashga tegmaydi

• Ekran sakramaydi. Joy reklama kelishidan oldin band qilinadi: talab yuborilishi bilan ramka to‘liq o‘lchamida turadi, faqat ko‘rinmaydi (.ad--live). Reklama kelganda faqat shaffoflik o‘zgaradi (.ad--on, 260 ms).
• Tekshiruvlar oldin, joy keyin. «Bu odamga ko‘rsatiladimi» degan savol komponent o‘rnashishi bilan so‘raladi, joy esa javob «ha» bo‘lgandagina band qilinadi — shuning uchun qo‘llagan odam bo‘sh joyning paydo bo‘lib yo‘qolishini ko‘rmaydi.
• So‘ralmagan joyda so‘ralmaydi. Talab banner ekranga yaqinlashgandagina ketadi (IntersectionObserver, 400 px) va varaq fonda turgan bo‘lsa kutiladi. Reklamagacha surmagan odamning brauzeriga Yandex skripti umuman tushmaydi.
• To‘ldirish bo‘lmasa iz ham qolmaydi. Reklama kelmasa (yoki balandligi nol bo‘lsa) komponent butunlay yo‘qoladi — bo‘sh ramka turib qolmaydi. Kutish 8 soniya: Yandex to‘ldirish topolmaganda har doim ham xabar bermaydi.
• Yangilanish taymeri yo‘q. Ilovada banner har 60 soniyada qayta so‘raladi; saytda almashinishni blokning o‘zi (Yandex interfeysidagi sozlama) hal qiladi. Qo‘lda qayta chizish ko‘z oldida «o‘chib-yonadigan» reklama yasaydi.
• Yorliq. Ramka ustida bitta jumla — AD_LABELS dan navbatdagisi, tasodifiy joydan boshlanadi va banner umri davomida o‘zgarmaydi. Ichida «reklama» so‘zi turishi shart (tarmoq reklamani sayt kontentidan ajratishni talab qiladi) va hech biri bosishga chaqirmaydi — bosishga undash hisobni bloklatadi.
• Mavzu bir xil. render ga darkTheme uzatiladi (data-theme dan): tungi saytdagi oq banner ko‘zni qamashtiradi va aynan shu bezovta qiladi.
• Alifbo ko‘chiruvchisi tegmaydi. Konteynerda data-script="off": scriptDom.ts butun sahifani kuzatib turadi va shu belgisiz reklama matnini ham kirillga o‘girib yuborardi — begona kontentni o‘zgartirish tarmoq qoidasini buzadi.

Kim ko‘rmaydi

Loyihani qo‘llagan odam (isAdFree, src/lib/donor.ts) — shart ilovadagi AdFreePlan bilan aynan bir xil: oxirgi 7 kunlik qo‘llovlar yig‘indisi 5 555 so‘m ga yetsa, reklama umuman so‘ralmaydi, Yandex skripti ham yuklanmaydi. Bu obuna emas — eski qo‘llov oynadan chiqqach rejim o‘zi so‘nadi.

Hisob-kitob donations ning o‘sha bitta REST so‘rovidan chiqadi (homiylik darajalari uchun baribir olinadi), natija sozgir.donors keshida yig‘indi bilan yonma-yon turadi.

Ikkinchisi — tasdiqlangan hisob (isVerifiedAsync, src/lib/verified.ts): nishon bilan birga reklamasizlik keladi va u muddatsiz, ro‘yxatdan chiqmaguncha turadi. Ikkala javob ham banner talabni yuborishdan oldin kutiladi, aks holda belgi egasi bir lahza bo‘lsa ham reklama ko‘rib qolardi.

O‘chirish kaliti

Ilova bilan bitta hujjat — Firestore‘dagi app/ads:

app/ads
  enabled: true
  web:    { enabled: false }
  yandex: { enabled: true, web: { enabled: false } }

web bo‘limi saytga tegishli va umumiy kalitning ustidan yoziladi: moderatsiya yoki nosoz reklama chiqsa saytni ilovaga tegmasdan o‘chirish mumkin (ios/android bo‘limlari ilovaniki). Qoida ilovadagi bilan bir xil — faqat aniq false o‘chiradi; hujjat yo‘q yoki Firestore javob bermasa reklama yoqiq qoladi. Sozlama sahifa umrida bir marta o‘qiladi.

Dev server

npm run dev da haqiqiy reklama hech qachon so‘ralmaydi (adsSupported): o‘z reklamangni o‘zing yuklashing yoki bosishing hisobning bloklanishiga olib keladi. O‘rnida o‘sha o‘lchamdagi sinov ramkasi turadi, ya‘ni joylashuvni blok ochilmasdan ham ko‘rish mumkin.

ads.txt

https://sozgir.uz/ads.txt — sayt uchun sotuvchilar ro‘yxati, unda faqat Yandex satrlari. Ilovaniki alohida: /app-ads.txt, unda Yandex bilan birga AdMob ham turadi. Ikkalasi ham vercel.json dagi SPA qayta yo‘naltirishidan chiqarib tashlangan — aks holda /ads.txt ga sahifaning HTML‘i qaytardi.

Fayl ikki qismdan iborat: uzun ro‘yxat ilovanikidan ko‘chirilgan (Yandex‘ning umumiy resellerlari), oxiridagi qisqa bo‘lim esa aynan shu sayt uchun РСЯ interfeysi bergan ro‘yxat. yandex.com, 306206921, DIRECT ikkalasida ham bitta — sayt ham, ilova ham bir hisobda. Ortiqcha satr zarar qilmaydi (ads.txt — ruxsat ro‘yxati), yetishmagani esa daromadni yo‘qotadi. Yandex ro‘yxatni vaqti-vaqti bilan yangilaydi, shuning uchun uni interfeysdagi bilan solishtirib turish kerak.

Telefon

O‘yin sahifalari telefonda o‘ynash uchun moslangan (play.css oxiridagi «Telefon» bo‘limi): /sozjang lobbisida tanlov kartochkalari birinchi turadi (ilgari «Raqib qidirish» sarlavha va namoyishdan keyin, ≈1100px pastda edi), klaviatura kartochka chetigacha yoyilib tugmalar 48 px balandlikda, tugmalarda touch-action: manipulation (ikki bosishda kattalashtirish kutilmaydi). Taxta kataklari suyuq (flex + aspect-ratio), shuning uchun tor ekranda o‘zi kichrayadi.

So‘z haqida xabar berish

Natija ostidagi «So‘z haqida xabar berish» — ilovadagi ReportWordSheet ning veb ko‘rinishi (src/components/ReportWord.tsx, src/lib/report.ts). Murojaat word_reports/{id} ga ilova bilan bir xil maydonlar bilan yoziladi (word, length, reason, comment, mode, uid, nickname, status: pending, createdAt) va admin panelida moderatsiyaga tushadi. Sabab kalitlari ilovadagi WordReportReason.name bilan bir xil. Qoidalar uid talab qiladi — mehmonga avval kirish taklif qilinadi. So‘ztop natijasida ham, So‘zjang natijasida ham bor.

Yangi so‘z taklif qilish

Yonidagi ikkinchi havola — teskarisi: lug‘atda yo‘q, lekin bo‘lishi kerak deb hisoblangan so‘z. Taklif word_proposals ga tushadi (src/lib/wordProposal.ts, ilovaning WordProposal ko‘chirmasi) va admin panelida alohida navbat bo‘ladi: o‘yin paytida yig‘iladigan takliflar u yerga ta’rifsiz, avtomatik tushadi — bu yerga esa odam ataylab, ma’nosi bilan yozadi.

Tekshiruv mijozda: so‘z 4 dan 7 harfgacha (harf-birlikda — gʻisht to‘rt harf), faqat alifbo harflari, ta’rif 5 dan 240 belgigacha. Maydonning o‘zi yettitadan ortiq harf qabul qilmaydi va yonidagi hisoblagich harf sonini ko‘rsatadi. Lug‘atda bor so‘z moderatorga umuman ketmaydi — qarori oldindan ma’lum, navbatni esa bekorga to‘ldirardi. Xuddi shu chegaralar Firestore qoidalarida ham bor: u yerdagisi himoya, bu yerdagisi tushuntirish.

Lug‘atga qo‘shilgan so‘z uchun muallifga 3 aqcha beriladi — lekin yuborishning o‘zi hech narsa bermaydi: mukofot moderator so‘zni qo‘shgandagina paydo bo‘ladi. Ballni ilova hisoblaydi, sayt faqat taklifni yuboradi.

Hisob

Uch yo‘l: mehmon (anonim hisob), yangi hisob (email yoki telefon raqam + parol) va kirish. Mehmon sifatida o‘ynagan odam keyin email qo‘shsa, hisob bog‘lanadi (linkWithCredential) — uid o‘zgarmaydi, ya’ni yig‘ilgan aqcha va streak joyida qoladi.

Ilovadan bitta farqi bor va u ataylab: sayt hech kimni avtomatik anonim hisobga kirgizmaydi. Aks holda har bir tashrif Firebase’da yangi foydalanuvchi yasab, admin paneldagi statistikani buzardi. Kirmasdan ham o‘ynash mumkin — natija shunda brauzerda qoladi va sozgir.pending navbatiga tushadi; keyin kirilganda o‘zi cloud’ga yoziladi. Lekin chegara bor: mehmon shu brauzerda 5 ta o‘yin o‘ynagach (GUEST_GAME_LIMIT, barcha rejim va uzunliklar bo‘yicha played yig‘indisi) taxta yopiladi va «Iltimos, kiring» oynasi chiqadi — kirilgunicha keyingi o‘yin boshlanmaydi.

Taxallus tekshiruvi (src/lib/nickname.ts) ilovaning nickname_filter.dart ko‘chirmasi va Firestore qoidalaridagi ro‘yxat bilan bir xil — mos kelmasa yozuv serverda rad etiladi. Ro‘yxatdagi so‘kinishlardan tashqari yana bitta to‘siq bor: taxallus reytingdagi «Siz» yorlig‘ini takrorlay olmaydi. Jadvalda o‘z qatori shu yorliq bilan belgilanadi va kimdir uni nomiga yozib qo‘ysa («Otabek • Siz»), begona qator ham o‘ziniki bo‘lib ko‘rinardi. Yorliqning o‘zi endi matn emas, alohida element (src/components/YouTag.tsx), eski nomlardagi quyruq esa birinchi yozuvdayoq o‘zi tushib qoladi (stripYouTag).

Hisob almashganda

Bugungi ball brauzerda, yig‘indining farqi bilan hisoblanadi: hozirgi yig‘indi minus kun boshidagi yig‘indi (src/lib/scores.ts). Hisob almashganda yangi hisobning butun tarixi bulutdan tiklanadi, baza esa avvalgi hisobdan qolardi — farq «bugun ishlangan ball» bo‘lib kunlik jadvalga tushardi.

Shuning uchun brauzerdagi yozuvlarning egasi belgilanadi (src/lib/device.ts, sozgir.scores.owner). Uid almashsa, ballga aylanadigan hamma narsa tashlanadi va kun hozirdan boshlanadi: topilgan so‘zlar, statistika, g‘uncha yig‘indisi va kun hisobi. Hech narsa yo‘qolmaydi — hammasi bulutda o‘z egasida turadi va qaytib kirilganda tiklanadi. Mehmon sifatida o‘ynalgani, aksincha, kirgan hisobga qo‘shiladi: uid‘siz o‘ynagan odamda egasi ham yo‘q edi.

G‘unchaning yig‘ma hisobi shu sababdan bulutga ham ko‘chiriladi (users/{uid}/guncha/totals): u brauzerda turadi va almashuvda yangi hisobning balliga qo‘shilib ketardi. Endi ball o‘z egasida qoladi — yon foyda: tozalangan brauzerda g‘uncha balli yo‘qolmaydi.

Telefon raqam bilan kirish

Kirish maydoniga email ham, telefon raqam ham yozish mumkin: raqam jimgina <raqam>@gmail.com ko‘rinishiga o‘giriladi (src/lib/loginId.ts, ilovadagi LoginIdentifier ko‘chirmasi). Firebase uchun bu o‘sha email provayderi — alohida telefon provayderi ham, SMS kodi ham kerak emas.

Qoida ilova bilan belgima-belgi bir xil bo‘lishi shart: telefonda raqam bilan ro‘yxatdan o‘tgan odam saytga ham o‘sha raqam bilan kirishi kerak. Kanonik shakl ham shuning uchun — +998 90 123 45 67, 998901234567 va 90-123-45-67 ayni bir hisobga tushadi.

Bitta farq bor: parolni tiklash faqat email bilan ishlaydi. Raqamdan yasalgan manzil odamning o‘z pochtasi bo‘lmasligi mumkin, shuning uchun maydonda raqam turganda tiklash so‘ralmaydi.

Ro‘yxatdan o‘tishda tug‘ilgan sana va jins ham so‘raladi (ilovadagi ProfileDetails): ular sozlama emas, hisobga tegishli va users/{uid} da turadi — odam boshqa qurilmadan kirsa qayta so‘ralmaydi. Eski hisoblar ularni profil oynasida to‘ldiradi. Sana YYYY-MM-DD satri bo‘lib yoziladi: har qanday vaqt zonasida bir xil o‘qiladi.

Nima yoziladi

Yo‘llar ilova bilan bir xil (src/firebase/paths.ts):

users/{uid}                                  profil (nickname, email, birthDate, gender, platform: web)
users/{uid}/stats/{mode}_{length}            statistika nusxasi
users/{uid}/found_words/{so'z}               topilgan so'zlar
scores/{uid}                                 hisob kitobi (tiyinda) — `games`, `totalScore`, `onlineScore`
daily_results/{sana}_{n}/entries/{uid}       kunlik reyting

Muhim tartib: natija yozilishidan oldin cloud’dagi statistika brauzerga tiklanadi (ensureRestored) va faqat cloud oldinda bo‘lganda qabul qilinadi. Aks holda telefonda 40 kun yig‘ilgan streak sayt yozgan «1» bilan almashib ketardi.

So‘zjang

/sozjang — ilovadagi bellashuv rejimi. Lobbi bitta asosiy tugma («Raqib qidirish»), ostida do‘st bilan o‘ynash qatori (kod yaratish yoki kod bilan qo‘shilish), o‘z reytingi kartochkasi va yig‘ilgan «Qoidalar»; yonida So‘zjang reytingi jadvali (BattleBoard.tsx, battle_ratings bo‘yicha eng yaxshi o‘nlik, robotlar chiqarilgan, qatordan profil va chaqiruv). Ilgari bu yerda katta sarlavha, ikki taxtali namoyish, ikkita kartochka, «faktlar» va to‘rt «qadam» turardi — «O‘ynash» → «Jangga kirish» deb kelgan odamga yana bir tanishtiruv emas, tugma kerak. Kirmagan odamga bir jumla va ikki tugma, jadval yonida qolaveradi.

Ikki yo‘l:

Rejim	Qanday ishlaydi
Do‘st bilan	Chaqiruv yaratiladi, 6 belgili kod va havola chiqadi. Do‘st kod bilan qo‘shiladi (yoki havolani bosadi — ?kod= o‘zi qo‘shadi).
Tezkor jang	Navbatga turiladi, server reytingi yaqin raqibni topadi. Navbatda turganda so‘rov har 10 soniyada takrorlanadi — ikki odam bir vaqtda qidirsa, bir-birini ko‘rmay qolmasin.

Ikkalasi ham hisob talab qiladi: raqib taxallusni ko‘radi va natija reytingga yoziladi.

Butun mantiq Cloud Functionsda (europe-west1), ilova ishlatadigan funksiyalarning aynan o‘zi: battleCreate, battleJoin, battleQuick, battleGuess, battleForfeit. Javob so‘zi mijozga hech qachon yuborilmaydi — taxminni server tekshiradi va faqat ranglar qatorini (srryy) qaytaradi. Shu sabab saytda yaratilgan chaqiruvga telefondan qo‘shilish mumkin va aksincha.

Raqibning kataklarida harflar yo‘q: rang naqshi u qancha yaqinlashganini bildiradi, javobni esa oshkor qilmaydi. Jang tugagach server ikki tomonning so‘zlarini va javobni ochadi — natija ekranida yo‘llar solishtiriladi va natijani ulashish mumkin (ranglar bilan, harflarsiz).

Taxta ilovadagidek ishlaydi: qabul qilingan qator kataklari navbat bilan ag‘dariladi, oldingi taxminda joyi topilgan harflar keyingi qatorga o‘zi tushadi va o‘chirilmaydi (autoFill — ilovadagi _autoFilledInput). Yozilgan harf birinchi bo‘sh katakka tushadi, qulflanganlar o‘tkazib yuboriladi.

O‘qish uchun onSnapshot kerak (raqibning qatori darhol ko‘rinishi kerak), u esa firestore/lite da yo‘q — shuning uchun bu sahifa to‘liq Firestore SDK sini alohida chunk sifatida yuklaydi. Qolgan sahifalar yengil variantda qoladi.

Natijadagi «Yangi raqib qidirish» tezkor jangdan keyin darrov navbatga qo‘yadi (lobbiga qaytilmaydi); do‘st bilan jangdan keyin «Yangi jang» lobbini ochadi. Navbat yozuvi kuzatuvida keshdagi holat tashlab yuboriladi (watchDoc(..., { skipCache })): SDK yangi tinglovchiga avval xotiradagi eski nusxani beradi, unda esa o‘tgan jangning matchId si turadi — aks holda «Raqib qidirish» bosilganda o‘tgan jang natijasi qayta ochilardi.

Jang ketayotganda «Jangdan chiqish» avval tasdiq so‘raydi (ilovadagi ConfirmSheet kabi: «Jang hali tugamagan. Chiqsangiz bu mag‘lubiyat sifatida yoziladi» → «Mag‘lub bo‘lib chiqish» / «Qolish»). O‘zi tugatib raqibni kutayotgan odam so‘roqsiz chiqadi — bu taslim emas.

Taslimdan keyin natija ekrani ochiladi, lobbi emas (ilovadagi _forfeit): taslim bo‘lganning natijasi allaqachon ma’lum — u yutqazdi. Noma’lumi faqat raqibniki va uni bilish uchun jangda o‘tirish shart emas — natija janglar tarixida chiqadi. Shuning uchun ekran hujjatdan emas, forfeited bayrog‘idan o‘qiydi: jang hujjati hali yopilmagan (uni raqib tugatganda server yopadi), ya’ni winnerUid ham, javob so‘zi ham yo‘q. Raqib kartochkasida «o‘ynayapti» turadi, «topa olmadi» emas — u hali topishi mumkin; javob so‘zining o‘rnida esa sabab yoziladi, aks holda ekran chala chizilgandek ko‘rinardi. Revansh tugmasi o‘chiq: chaqiruv raqibning hali ketayotgan jangi ustidan tushardi — raqib tugatgach u o‘zi yonadi va javob so‘zi ham joyiga tushadi (ekran kuzatuvda qoladi).

Boshlangan jang brauzerda eslab qolinadi (sozgir.battle), o‘z taxminlarim ham (sozgir.battle.words.{id}) — server ularni jang tugamaguncha yashiradi, shuning uchun sahifa yangilanganda harflar brauzerdan tiklanadi.

Arena

Kutish va 3-2-1 ekranlari — ilovadagi BattleArena ning porti (src/components/Versus.tsx): maydon diagonal ikki rangga bo‘lingan (siz — yashil, raqib — ko‘k), o‘rtada romb «VS», raqib kirmaguncha uning tomoni bo‘sh va avatar atrofida to‘lqin, pastda jang shartlari (harf va urinish soni). Raqib kirganda o‘sha joy uning rasmi bilan to‘ladi — ekran almashmaydi. Kutishda ostida ikki daqiqalik «pilik» (JoinFuse): muddat jang hujjatidagi expiresAt dan olinadi, oxirgi 20 soniyada qizaradi. Shu paytda butun sahifa arena pardasida (.jang--arena). Raqib kelmagan jangda (expired) arena so‘lg‘un, o‘ng tomonda «Kelmadi».

Manzilli chaqiruvlar

battle_invites/{id} — aniq odamga chaqiruv. Mijoz hujjat yaratmaydi: battleInvite funksiyasi yaratadi, battleInviteAccept jangni ochadi, battleInviteDecline rad etadi (chaqirganning o‘zi ham shu bilan bekor qiladi). Uch turi bor va uchalasi bir oqim, farqi faqat manba: rematch (natijadagi «Revansh»), nearby (faqat ilovada — yaqin atrofdagilar) va profile (ilovada ochiq profildagi «So‘zjangga chaqirish»; saytda profil sahifasi yo‘q, shuning uchun tugma reyting jadvalining har qatorida — Leaderboard.tsx). Javobsiz chaqiruv 2 daqiqada eskiradi.

Yuborilgan chaqiruv SendInvite.tsx da kutiladi (ilovadagi SendInviteSheet): hujjat kuzatiladi, accepted kelsa battleId bilan jang ochiladi va sahifa /sozjang ga o‘tadi (showBattle), declined va expired xabar bo‘lib qoladi. Muddat tugagach oyna o‘zi yakun yasaydi — serverdagi expired belgisi daqiqada bir marta qo‘yiladi, undan kutilsa oyna bir daqiqagacha osilib turardi; lekin 8 soniya imtiyoz bor: raqib oxirgi soniyada qabul qilgan bo‘lishi mumkin.

Kelgan chaqiruv istalgan sahifada pastdan chiqadi (InviteOverlay.tsx), manbasi yozuvda ko‘rinadi: «revansh», «yaqin atrofdan», «profil orqali».

Taxallus o‘zgarganda battle_ratings/{uid}.nickname ham yangilanadi (patchBattleNickname, ilovadagi bilan bir xil): hujjatni server jang yakunida yozadi va u paytdagi nomni qo‘yadi — aks holda odam kunlik jadvalda o‘z ismi bilan, So‘zjangda esa eski nom (ko‘pincha «Mehmon») bilan turib qolardi.

Lokal sinash

Funksiyalar faqat prodga joylashtirilgan, ya‘ni jangni sinash uchun prodda hisob ochib real yozuv qoldirish kerak bo‘lardi. Emulyator shu ehtiyojni yopadi:

cd ../soztop/functions && npm ci && npm run build
cd ../soztop && firebase emulators:start --only auth,functions,firestore \
  --project soztop-dev

Emulyator Firestore‘iga dictionaries/uz_5 ni yozib qo‘yish kerak (funksiya so‘zni shundan oladi), so‘ng:

VITE_EMULATOR=1 npm run dev

src/firebase/config.ts dagi projectId emulyator loyihasi bilan mos bo‘lishi shart. Ishlab chiqarish paketida emulyator shoxi butunlay yo‘q — import.meta.env.DEV uni olib tashlaydi.

G‘uncha

/guncha — ilovadagi G‘uncha modulining veb ko‘rinishi. Ekranda gul shaklida yettita harf turadi: o‘rtada yurak harf, atrofida oltita barg. Vazifa — shu harflardan iloji boricha ko‘p so‘z yasash.

Qoidalar ilovadagi bilan aynan bir xil (docs/guncha.md):

1. so‘z kamida 4 harfdan (sh, ch, oʻ, gʻ — bitta harf);
2. yurak harf har bir so‘zda qatnashsin;
3. faqat g‘unchadagi harflar, lekin har biri necha marta bo‘lsa ham;
4. so‘z lug‘atning javob so‘zlari ro‘yxatida bo‘lsin;
5. urinishlar cheklanmagan — xato so‘z uchun jarima yo‘q.

Ball: 4 harfli so‘z — 1, undan uzuni o‘z uzunligicha, yettala harf ishlatilgan so‘z (pangramma) — qo‘shimcha 7. Daraja esa hisobning ulushi bo‘yicha beriladi (Urug‘ → … → Bog‘bon → Mukammal), ya’ni og‘ir g‘unchada ham, yengilida ham bir xil mehnat talab qiladi.

Rejim	Qayerdan keladi
Kunlik	Harflarni server beradi: guncha/{sana} hujjati
Mashq	Butunlay brauzerda yasaladi, raqami brauzerda saqlanadi

Kunlik g‘unchani nega server tanlaydi: lug‘at yangilanganda tanlov natijasi ham o‘zgaradi, «kunlik» esa hamma uchun bir xil bo‘lishi kerak — kunlik so‘zdagi bilan bir xil sabab. Hujjat ochiq (allow read: if true), shuning uchun REST bilan o‘qiladi va brauzerda saqlanadi: aloqa uzilsa ham o‘sha kunning g‘unchasi ochilaveradi.

Hujjatda faqat harflar bo‘ladi, so‘zlar ro‘yxati emas: so‘zlarni sayt o‘zining lug‘atidan yig‘adi (uz_4…uz_7 ning javob so‘zlari), shuning uchun har topilgan so‘zning ma’nosi ham joyida turadi — modulning o‘rgatuvchi qismi shu.

Tanlov algoritmi src/lib/guncha.ts da: u ilovadagi GunchaLexicon va GunchaBuilder ning, ya’ni functions/src/guncha.ts ning ko‘chirmasi. Natija belgima-belgi bir xil chiqishi shart va uni tekshirish oson — brauzerda hisoblangan kunlik g‘uncha serverdagi hujjat bilan mos tushishi kerak:

// sahifa ochiq bo‘lganda, brauzer konsolida
const g = await import('/src/lib/guncha.ts');
const lex = await (await import('/src/lib/gunchaLexicon.ts')).gunchaLexicon();
const d = await import('/src/lib/daily.ts');
const server = await (await import('/src/lib/gunchaDaily.ts'))
  .fetchDailyGuncha({ dateKey: d.dailyKey(), number: d.dailyNumber() });
g.buildGuncha({ lexicon: lex, number: server.number, daily: true });
// center va petals serverdagi bilan bir xil bo‘lsin

Topilgan so‘zlar har bir g‘uncha uchun alohida saqlanadi va harflar imzosi bilan tekshiriladi: lug‘at yangilanib g‘uncha o‘zgarib ketgan bo‘lsa, eski ro‘yxat tashlanadi.

G‘uncha jangi

/gunchajang — ikkalangizga bir xil g‘uncha beriladi, uch daqiqa vaqt bo‘ladi va kim ko‘p to‘plasa, o‘sha yutadi (docs/guncha_online.md). Jang So‘zjang bilan bitta to‘plamda yashaydi (battles): juftlash, chaqiruv, muddati o‘tganini tozalash va tarix ikkalasiga umumiy, farq faqat game maydonida va o‘yinga xos qismda.

Serverdagi funksiyalar: gunchaCreate (kod bilan chaqiruv), gunchaWord (so‘z) va gunchaFinish (yakunlash). Tezkor jang va kod bilan qo‘shilish So‘zjangnikini ishlatadi — battleQuick va battleJoin ga game yuboriladi.

Boshlanish sanog‘i. Raqib qo‘shilgach taxta darhol ochilmaydi: So‘zjangdagidek uch soniyalik sanoq turadi, ya’ni ikkalangiz bir paytda boshlaganingiz ko‘rinib turadi. Ko‘rinishi g‘unchaniki (src/components/GunchaCountdown.tsx): raqam yashil oltiburchak ichida, atrofida olti barg ochilib boradi — «1» da gul to‘liq ochilgan bo‘ladi va keyingi kadrda o‘sha joyda harflar paydo bo‘ladi. Tepasida ikki yuz: avatar, ism va daraja nishoni bilan o‘lja (reyting battle_ratings dan alohida o‘qiladi va kutilmaydi — kech kelsa yuz reytingsiz chiziladi).

Sanoq jangni kechiktirmaydi: vaqtni server sanaydi va uni ushlab turib bo‘lmaydi. Faqat endigina boshlangan jangda chiqadi ham — ekrandan chiqib qaytgan odam uni ko‘rmaydi, aks holda jang o‘rtasida turib «boshlanmoqda» deyilardi. Ilova buni startedAt bo‘yicha ajratadi, saytda esa qolgan vaqt javob beradi: o‘n soniyadan ko‘pi ketgan bo‘lsa — bu qaytib kirish.

Maydonda (uch kishidan boshlab) sanoq boshqacha — halqa (src/components/MarduCountdown.tsx): hamma o‘yinchi doira bo‘ylab tizilgan, o‘zim tepada, o‘rtada raqam va odamlar soni. Halqa bo‘ylab yugurgan yoy har soniyada uchdan bir aylanadi va yo‘lidagi odamni «yoqib» o‘tadi; sakkiztadan ortig‘i oxirgi o‘rindagi «+N» ga yig‘iladi. Sabab: yuzma-yuz afisha «kim bilan» degan savolga javob beradi, maydonda esa savol «kimlar bilan». Shakl o‘yinchilar sonidan kelib chiqadi, hujjat turidan emas — ikki kishiga tushib qolgan maydonda o‘yinning o‘z sanog‘i chiqadi (So‘zjangda afisha, G‘unchada gul).

Vaqt. Ekrandagi teskari sanoq — ko‘rsatma, chegara emas: chegarani server hal qiladi va har so‘zni o‘z soati bo‘yicha tekshiradi. Shuning uchun sanoq Date.now() ga emas, performance.now() ga tayanadi — qurilma soati o‘yin o‘rtasida o‘zgartirilsa ham sakramaydi. Qolgan vaqt serverdan kelgan ikki sondan olinadi (endsAt − serverNow) va qaytadan so‘raladi: jang boshlanganda, har 30 soniyada, ilovaga qaytilganda va sanoq nolga yetganda. Sinxrondan keyin vaqt faqat qisqaradi — kamroq ko‘rsatish noqulaylik, ko‘proq ko‘rsatish esa aldov.

So‘z. Har bir so‘z serverga boradi, lekin javob kutilmaydi: uch daqiqalik poygada har so‘z uchun borib kelish sezilarli. So‘z avval brauzerdagi lug‘at bilan baholanadi va hisob darhol ko‘rinadi, server javobi kelgach hisob to‘g‘rilanadi — rad etilgan so‘z ekrandan olinadi. Ikkalasi deyarli har doim mos keladi; mos kelmaydigan holat — muddat o‘tib ketgani va u jangning oxirgi soniyasida bo‘ladi.

Jang davomida raqibning faqat bali va so‘zlar soni ko‘rinadi (score, wordCount); topilgan so‘zlar jang tugagach ochiladi (found) — davomida ular tayyor javob bo‘lardi. Natijada ikkala ro‘yxat yonma-yon turadi va «buni qanday topding?» degan savol shu yerda tug‘iladi.

Maydon nomlari haqida bitta qoida bor va u og‘ir tajribadan kelib chiqqan: bitta to‘plamda bir nom ikki xil turda bo‘lmasin. G‘uncha topilgan so‘zlar sonini wordCount ga yozadi, chunki words ostida So‘zjangda ro‘yxat yotadi — bir xil nom ostida son bo‘lsa, jang tarixini o‘qiyotgan mijoz qulab tushardi.

So‘zTop — o‘yinchi yashirgan so‘z

/soztop/<KOD> — ilovadagi So‘zTop modulining veb ko‘rinishi: odam lug‘atdan bitta so‘z tanlab yashiradi, havolasini do‘stlariga tashlaydi va kim necha urinishda topganini ko‘rib turadi (soztop/docs/soztop.md).

Havola ilovadan ulashiladi va ilovasi bor telefonda ilovani ochadi (universal havola, apple-app-site-association dagi /soztop/*). Demak sahifaga tushgan odamda ilova odatda yo‘q — shuning uchun u yerda yuklab olish taklifi emas, o‘yinning o‘zi turadi. Ilgari aksincha edi: odam havolani bosib, o‘ynay olmay qaytib ketardi.

Qoida So‘zjangdagining o‘zi, ya‘ni butun mantiq serverda:

Funksiya	Nima qiladi
challengeOpen	O‘ynashga kiritadi va yozuv ochadi. Javob yuborilmaydi
challengeGuess	Taxminni tekshiradi, ranglar qatorini qaytaradi

Shundan uchta narsa kelib chiqadi:

• Lug‘at yuklanmaydi. So‘z to‘g‘rimi — serverning ishi (challengeGuess accepted: false qaytaradi). Qabul qilinmagan so‘z urinish sarflamaydi.
• Yutqazgan odamga javob ko‘rsatilmaydi. So‘z word_challenges/{KOD}/secret da yotadi va qoida uni hech bir mijozga bermaydi — ilovada ham shunday.
• Hisob kerak. Yozuv entries/{uid} da saqlanadi va yashirgan odam jadvalda aynan shu taxallusni ko‘radi. Davom etish ham shundan: challengeOpen o‘sha odamning qatorlarini va terigan so‘zlarini qaytaradi, ya‘ni o‘yin sahifa yangilansa ham, qurilma almashsa ham joyidan davom etadi — brauzerda hech narsa saqlanmaydi.

So‘z yashirish saytda yo‘q. U lug‘at qidiruviga tayanadi va ilovada qoladi. Shuning uchun o‘yin tugagach ilova taklif qilinadi (DownloadPromo) — odam o‘yinni endigina o‘ynab ko‘rdi, ya‘ni taklif eng o‘rinli paytda chiqadi.

Urinishlar soni — attemptsFor (uzunlik + 1), ya‘ni serverdagi maxAttempts ning aynan o‘zi. Ranglar qatorini verdictsOf o‘qiydi — So‘zjang bilan bitta yordamchi (lib/battle.ts), chunki server ikkalasiga bir xil javob beradi.

Lokal sinash — So‘zjangdagi emulyator yo‘lining o‘zi («Lokal sinash»). Emulyator Firestore‘iga dictionaries/uz_5 bilan birga bitta word_challenges/{KOD} va uning secret/answer hujjatini yozib qo‘yish kerak.

Aqcha va o‘lja

Ekranda ikkita birlik bor, saqlanadigan son esa uchinchisi — tiyin (docs/aqcha.md, soztop/docs/aqcha_tz_web.md):

aqcha  = floor(tiyin / 10)                — har doim butun son
o‘lja  = 1000 + floor((reyting − 1000) / 2)

Firestore’da hech narsa o‘zgarmadi: totalScore, points, found_words.score — hammasi o‘sha-o‘sha tiyinda, battle_ratingsda esa xom Elo. Bo‘lish faqat chizish paytida bo‘ladi (src/lib/aqcha.ts), tartiblash esa har doim xom qiymat bo‘yicha qoladi — aks holda yaxlitlangan sonlar o‘nlab «teng» qator yasardi.

Mukofot butun aqchada hisoblanadi va saqlashga aqcha × 10 bo‘lib tushadi (src/lib/score.ts):

Qayerda	Eng ko‘pi
Kunlik so‘z	20 aqcha (urinishlar bo‘yicha 20 · 17 · 13 · 10 · 7 · 3)
Cheksiz rejim	qancha urinish qolsa — shuncha aqcha, eng ko‘pi 8
Kunlik g‘uncha	floor(20 × hisob / eng ko‘pi) — to‘liq yechilsa 20
Onlayn jang	aqcha bermaydi, ±10 o‘ljagacha

Cheksiz rejimda yordam shiftni tushiradi: mavzu ochilsa 6, ma’no ham ochilsa 4 aqcha. Shift — yuqori chegara, ayirma emas; avval takror koeffitsienti (60 %, eng kami 1), keyin chegara. Kunlik o‘yinda yordam yo‘q.

Sayt mukofot hisoblaydigan o‘yin mijozi, shuning uchun bu jadval ilovaniki bilan bir xil bo‘lishi shart: ikkalasi bir maydonga yozadi (scores/{uid}, daily_scores, found_words).

Uch xil son

Son	Nima	Qayerda
O‘yin hisobi	O‘yinning o‘z shkalasidagi xom son	scores/{uid}.games.{oyin}
Umumiy hisob	Barcha o‘yinlar, koeffitsient bilan	scores/{uid}.totalScore
Onlayn hisob	Shundan raqib bilan o‘ynab olingani	scores/{uid}.onlineScore

Shuning uchun scores/{uid} ga «o‘zimniki» deb yozib bo‘lmaydi: ilgari sayt totalScore ga faqat topilgan so‘zlar yig‘indisini yozardi va bu g‘unchada yig‘ilganini hujjatdan uchirib yuborardi. Endi yozuv src/lib/scores.ts dan o‘tadi: hujjatdagi games o‘qiladi, faqat shu o‘yinning ulushi almashtiriladi, umumiy va onlayn hisob qaytadan yig‘iladi.

Ikkinchi qoida — pasaytirmaslik. Sayt topilgan so‘zlarning oxirgi 500 tasini tiklaydi, ya’ni uning ro‘yxati telefondagidan qisqa bo‘lishi mumkin. Ilova to‘liq ro‘yxat bilan yozadi, shuning uchun sayt hujjatdagi qiymatni hech qachon kamaytirmaydi — kamayishi kerak bo‘lgan holatni ilovaning o‘zi to‘g‘rilaydi.

G‘unchada hamyonga raundning ulushi tushadi, xom yig‘indi emas: o‘yin ichidagi hisob (4 harfli so‘z 1, pangramma +7) daraja zinapoyasini yuritadi va ekranda birliksiz turadi. Jangda yig‘ilgani hozircha umumiy hisobga qo‘shilmaydi — ilovada ham shunday (GunchaScoreSource faqat yakka o‘yinni sanaydi).

Tasdiqlangan hisoblar

Mashhur odamlarning nomi yonida tasdiq belgisi turadi (src/lib/verified.ts, public/verified.png). Ro‘yxat uid bo‘yicha: taxallusni har kim o‘ziga qo‘yishi mumkin, uid esa o‘zgarmaydi — «Serobov» deb yozib olgan boshqa odam belgini olmaydi. Belgi nom turgan hamma joyda chiqadi (jadval, jang, tarix, maydon, hisob menyusi); profilda esa u bosiladi va nishon nimaligi aytiladi. Egasining o‘zi bossa oyna boshqacha bo‘ladi: u belgisining nimaligini so‘ramaydi, unga minnatdorchilik va imtiyozlar ro‘yxati chiqadi.

Ro‘yxat ilgari shu faylda qo‘lda yozilgan edi, endi u bulutdagi bitta hujjatda — config/verified ({ uids: [...] }) va ilova ham o‘shani o‘qiydi: belgi adminkadan qo‘yiladi, sayt qaytadan yig‘ilmaydi. Hujjatni faqat admin yozadi, o‘qish hammaga ochiq. Sahifa umrida bir marta o‘qiladi va sozgir.verified keshida qoladi — birinchi kadrda belgi joyida bo‘lsin.

Nishon uchta narsa beradi va uchalasi ham haqiqatan bor imtiyoz:

Imtiyoz	Qayerda
Reklama ko‘rsatilmaydi	AdBanner.tsx — talab umuman yuborilmaydi
Ochiq profil premium ko‘rinishda	PlayerPage.tsx — grafit maydon, shampan chiziq, avatar chetidagi nishon (ilovadagi ProfileSkin.verified)
Begonalar jangga chaqira olmaydi	chaqiruv tugmasi profilda ham, reyting qatorida ham chizilmaydi (ilovadagi canInviteToBattle)

Uchinchisining sababi: nishon taniqli shaxslarga beriladi va ularning profiliga kuniga yuzlab odam kiradi — har biri chaqirsa, egasining ekrani chaqiruv oynalaridan iborat bo‘lib qolardi. Tugma yashiriladi, bosilib «bo‘lmaydi» deyilmaydi: bajarib bo‘lmaydigan amalni taklif qilishning ma’nosi yo‘q.

Belgilar

Aqcha va o‘lja raqamli joylarda belgi bilan ko‘rsatiladi (src/components/Units.tsx): jadvalda o‘n qatorda «aqcha» so‘zi takrorlansa, u ma’no bermay qo‘yadi. Matn ichida (qoidalar, savollar) esa so‘zning o‘zi qoladi. Rasmlar public/aqcha.png va public/olja.png — 128 px, shaffof fonda; belgi o‘zi turgan matn bilan birga o‘sadi (font: inherit, 1em o‘lcham).

Darajalar

O‘lja bo‘yicha o‘nta pog‘ona, chegaralar xom reytingda (src/lib/battleRating.ts): Chopar, Cherik, Navkar, O‘nboshi, Yuzboshi, Mingboshi, Botir, Bahodir, Tarxon, Alp.

Bosh sahifa o‘yindan boshlanadi

/ ochilishi bilan taxta va klaviatura turadi, tanishtiruv matni esa ularning ostida. Tepada — kunlik so‘z banneri (/oyin ga olib boradi), ostida cheksiz rejimdagi taxta.

Bosh sahifadagi taxta cheksiz rejimda: kunlik so‘z endi hisob talab qiladi (pastdagi bo‘lim), ya‘ni birinchi marta kelgan odam bosh sahifada darrov to‘siqqa urilardi. Cheksiz rejim esa hisobsiz ochiq va yangi mehmon aynan o‘sha yerda o‘yinni sinab ko‘radi.

Taxtada rejim va uzunlik tanlovi yo‘q — ular birinchi ekrandan joy yeydi, holbuki kunlik so‘z banner orqali, uzunliklar esa /cheksiz/{n}-harf sahifalari va menyu orqali ochiladi.

Sarlavhaning o‘rtasida sayt nomi va bugun necha kishi o‘ynadi (src/lib/players.ts). Ilgari u yerda uchta havola turardi — ular endi menyuda, chunki menyu saytning xaritasi bo‘ldi va uchta havola baribir bo‘limlarning uchdan birini ham ko‘rsatmasdi. Ilgari hero ikki ustunli edi: chapda sarlavha va gap, o‘ngda telefon ramkasidagi taxta. Telefonda ustunlar ustma-ust tushardi, ya‘ni o‘ynash uchun avval butun matnni surib o‘tish kerak bo‘lardi — qaytib kelgan o‘yinchi esa buni har safar qilardi.

Matn yo‘qolmadi (u qidiruv uchun ham, birinchi marta kelgan odam uchun ham kerak) — faqat joyini o‘yinga bo‘shatib berdi. Telefon ramkasi ham olib tashlandi: u o‘yinni «ilovaning ko‘rinishi» qilib ko‘rsatardi, holbuki u shu yerda o‘ynaladigan haqiqiy o‘yin.

Taxta har qanday ekranda birinchi ekranga sig‘adi: hisob /oyin dagi --fit bilan bir xil (landing.css dagi .hero__board), farqi shundaki bu yerda u kompyuterda ham ishlaydi — o‘yinni yuqoriga ko‘tarishning butun ma’nosi uning ko‘rinib turishida. --reserve ekrandan sarlavha, banner, holat qatori, klaviatura va havoni ayiradi; kam baholansa taxta bir oz kichik chiqadi (zarari yo‘q), oshirib yuborilsa klaviatura birinchi ekrandan chiqib ketardi.

Sanoq o‘ylab topilmaydi — u daily_scores/{sana}/entries dagi yozuvlar soni, ya‘ni bugun ball yozgan odamlar. Bitta count() so‘rovi, ro‘yxatning o‘zi o‘qilmaydi. Nol bo‘lsa (yoki so‘rov yiqilsa) qator umuman chizilmaydi.

Kunlik so‘z uchun hisob kerak

Kunlik o‘yin — hamma uchun bitta so‘z va natija reytingga tushadi: natijasi saqlanmaydigan o‘yinchi jadvalda ham yo‘q, ya‘ni kunlik o‘yinning yarmi u uchun ishlamaydi. Shuning uchun kirmagan odamga taxta o‘rniga to‘siq ko‘rinadi: sabab, «Kirish» va «Hisob ochish».

Cheksiz rejim, g‘uncha va mashq hisobsiz ochiq qolaveradi — mashq uchun kirish talab qilishning ma’nosi yo‘q va yangi mehmon aynan o‘sha yerda o‘yinni sinab ko‘radi. To‘siqning ostida o‘sha yo‘l ko‘rsatiladi: «Hisobsiz cheksiz rejimda o‘ynash».

To‘siq auth.ready ni kutadi: hisob holati aniqlanmaguncha u ko‘rsatilmaydi, aks holda kirgan odam ham bir lahza uni ko‘rib qolardi. Mehmonlar uchun eski chegara (GUEST_GAME_LIMIT — beshta o‘yin) cheksiz rejimda o‘z joyida qoladi.

Javoblar arxivi

/javoblar — bugungi so‘z va o‘tgan kunlar ro‘yxati (AnswersPage.tsx, src/lib/answers.ts). «Bugungi javob» bu turdagi o‘yinlarda eng ko‘p qidiriladigan so‘rov: javobni o‘zimiz bermasak, odam uni boshqa joydan (yoki umuman noto‘g‘ri) topadi.

Bugungi javob spoyler ostida: sahifaga o‘ynamagan odam ham tushib qoladi va javobni tasodifan ko‘rmasligi kerak. O‘tgan kunlar ochiq — ular allaqachon o‘ynab bo‘lingan.

Kelajakdagi so‘zlar ko‘rsatilmaydi. Hujjatlar oldinga yasab qo‘yilgan (server bir necha hafta oldinda ishlaydi), shuning uchun ro‘yxat dateKey <= bugun chegarasi bilan so‘raladi (queryUpTo, firebase/rest.ts) — kelajak brauzerga umuman kelmaydi. Ma’nolar lug‘atdan qo‘shiladi, u baribir keshlangan.

Uzunlik bo‘yicha sahifalar

/cheksiz/4-harf … /cheksiz/7-harf — cheksiz rejim, har uzunlik o‘z manzili bilan (EndlessPage.tsx, matni src/data/lengths.ts da). Rejim ilgari ham bor edi, lekin «6 harfli so‘z o‘yini» deb qidirgan odam saytni topmasdi.

Sahifa o‘yinni darrov o‘sha uzunlikda ochadi (useGameChoice ga boshlang‘ich holat beriladi). Matndagi sonlar lug‘atning o‘zidan: javoblar va qabul qilinadigan so‘zlar soni.

data/pages.ts sahifa yozuvlarini shu ro‘yxatdan yasaydi, ya’ni sarlavha, tavsif va statik HTML bir manbadan oziqlanadi.

Qo‘llanma

/qollanma va uchta maqola: birinchi so‘z, taktika, o‘zbek alifbosidagi qiyin joylar (src/data/guides.ts).

Matndagi hamma son o‘lchangan — So‘zgirning o‘z lug‘atidan hisoblangan, boshqa tildagi Wordle’dan ko‘chirilgan emas: eng ko‘p uchraydigan harflar, takror harfli javoblar ulushi (41 %), SH/CH/O‘/G‘ bor javoblar (17 %), ikki unlili javoblar (94 %). Start so‘zlari ham lug‘atdan: beshta turli harf va eng yuqori chastota.

Yangiliklar

/yangiliklar — saytda va ilovada nima o‘zgargani (data/updates.ts). Sarlavhadagi menyu tugmasida o‘qilmagan yangilik bo‘lsa kichik nuqta turadi, menyuning ichida esa soni (lib/updates.ts).

Brauzerda bitta sana saqlanadi — oxirgi ko‘rilgan yangilikniki. Birinchi tashrifda sanoq chiqmaydi: saytga endi kirgan odamga «uchta yangilik bor» deyishning ma’nosi yo‘q.

Ro‘yxatga faqat odam sezadigan o‘zgarish tushadi va bir kun bitta yozuv bo‘ladi — kun ichida o‘nta commit bo‘lsa ham.

Ilova taklifi (telefonda)

Telefondan ochilgan har qanday sahifada pastdan varaq ko‘tariladi: «So‘zgir ilovasi» (AppPopup.tsx). Kompyuterda u umuman chizilmaydi — u yerda sayt o‘zi to‘liq o‘yin.

Ikki payt (src/lib/appPromo.ts):

Sabab	Qachon	Necha marta	Matni
open	sahifa ochilgandan 4 soniya keyin	kuniga bir marta	«Mantiq. Bilim. G‘alaba.»
result	har o‘yin tugagach, 1,6 soniyadan keyin	chegarasiz	«O‘yin yoqdimi?»

Ikkinchisi muhimroq: o‘shanda odam o‘yinni sinab ko‘rgan va yoqqan- yoqmaganini allaqachon biladi, ochilishdagi taklif esa hali hech narsa ko‘rmagan odamga aytiladi. Chaqiruv o‘yin tugagan joydan keladi (Play.tsx), lekin o‘yin oynani bilmaydi — u faqat «tugadi» deydi, qolgan qarorlar appPromo.ts da.

Chegaralar ikki sabab uchun ikki xil:

• open — kuniga bir marta (sozgir.app.promo). Sahifa har ochilganda chiqsa u reklama emas, to‘siq bo‘lardi: odam hali hech narsa qilmagan. Ustiga oyna endigina yopilgan bo‘lsa (sozgir.app.promo.at, uch daqiqa) u ham ochilmaydi.
• result — chegarasiz: har tugagan o‘yindan keyin chiqadi. Bu ongli qaror — o‘yin tugagani taklif uchun eng kuchli payt va odam o‘shanda bo‘sh.
• Yopish oson — ✕, fon, Escape va «Saytda davom etish».

Ko‘rinishi ilovaning afishasidan olingan: tepada nishon, nom va shior, o‘rtada uchta afzallik (har biri o‘z rangidagi doira ichida — bilim, reyting, nishonlar), pastda esa bitta qora tugma: «Yuklab olish».

Tugma bitta, chunki qurilmaning do‘koni aniq — iPhone‘da App Store, qolganida Google Play. Ikkita tugma odamdan keraksiz qaror talab qilardi.

Besh soniyalik sanoq. Oyna ochilgach do‘kon o‘zi ochiladi: sanoq tugmaning chetida raqam bilan, ostida esa yo‘lakcha va bir jumla bilan ko‘rinadi. Uni to‘xtatsa bo‘ladi («Saytda davom etish») — aks holda odam saytdan sababsiz olib ketilgandek his qilardi. Oynaning yopilishi (✕, fon, Escape) ham sanoqni to‘xtatadi: yopilgan oynadan keyin do‘kon ochilishi eng yomon natija bo‘lardi. To‘xtatilgach oyna ochiq qoladi va tugma o‘z joyida turadi — odam keyin o‘zi bosadi.

Do‘kon o‘sha oynaning o‘zida ochiladi (location.href): window.open brauzerda bloklanadi, manzilni almashtirish esa telefonda do‘kon ilovasini ochadi. Reklama bo‘lgani uchun u bezakka haqli, lekin ranglar faqat ikonkalarda qoladi: matn ustidagi bezak uni o‘qilmas qiladi.

Qurilma sensorli ekran, tor oyna va mobil userAgent uchtasi birga bo‘lganda telefon deb hisoblanadi: sensorli monitorli kompyuter ham, oynasi toraytirilgan brauzer ham bu shartga tushmaydi. Do‘kon qurilmaga qarab tanlanadi — iPhone‘da App Store, qolganida Google Play birinchi turadi.

Nishonlar

/nishonlar — yigirmata nishon (src/lib/badges.ts, src/components/BadgesPage.tsx, rasmlar public/nishon/{id}.png). Ro‘yxat, nomlar, izohlar va chegaralar ilovadagi AppBadge ning aynan nusxasi: bir xil nishon ikki platformada bir xil shart bilan berilishi kerak (soztop/docs/nishonlar.md).

Nishon — bir martalik yutuq belgisi. Darajadan farqi shunda: daraja reyting tushsa tushadi, nishon esa qaytib olinmaydi. U aqcha bermaydi va hech narsani ochmaydi — butun qiymati ko‘rinishida.

Yangi sanoq yaratilmaydi: sonlar bor joyidan yig‘iladi (src/lib/useBadges.ts).

Son	Qayerdan
Kunlik ketma-ketlik	sozgir.stats.daily.5 (eng uzuni)
Topilgan so‘z, mavzu, birinchi urinish	sozgir.found
Jang g‘alabalari, ketma-ketligi, reytingi	battle_ratings/{uid}
Ball yig‘ilgan o‘yinlar	g‘uncha hisobi + scores/{uid}.games
Kunning eng zo‘ri	scores/{uid}.manOfTheDay (serverniki)
Ulashish	sozgir.badges.shares — yagona yangi sanoq

Qolganlari hodisa nishonlari: ular hech qanday sanoqda qolmaydi, shuning uchun hodisa yuz bergan joyda belgilanadi — g‘uncha to‘liq yechildi (useGuncha), lug‘atga murojaat yuborildi (ReportWord), o‘yin tong sahar yoki yarim tundan keyin o‘ynaldi (markPlayedAt). «Yasovul» saytda olinmaydi: Yangso‘z faqat ilovada.

Olingan nishonlar sozgir.badges.earned da. Ro‘yxat ikki narsa uchun kerak: sanoq pasaysa (ketma-ketlik uzildi, reyting tushdi) nishon qaytarib olinmasin va hodisa nishonlari bilinsin. Serverga yozilmaydi, ya’ni telefondagi nishonlar saytda ko‘rinmaydi va aksincha — ilovada ochiq profil uchun player_badges ga nusxa yozish ishlanyapti, sayt o‘sha qotgach qo‘shiladi.

Kirmagan odamda ham ishlaydi: brauzerdagi sonlar yetadi, hisobga bog‘liq uchtasi (jang, boshqa o‘yinlar, kun odami) kirilganda qo‘shiladi. /oyin ning yon ustunida qisqa kartochka turadi (BadgesCard.tsx): olinganlari va eng yaqin nishon.

Do‘stlar va bildirishnomalar

Ochiq profildan jangga faqat do‘stlar chaqiriladi: oldin do‘stlik so‘rovi, javobdan keyin chaqiruv (src/lib/friends.ts, soztop/docs/friends.md). Sabab oddiy: profil hammaga ochiq, ya’ni filtrsiz joy shu bitta edi — reytingdan o‘tgan begona odam istalgancha chaqiruv yuborib turardi va qabul qilmagan o‘yinchining ekrani chaqiruv oynalaridan iborat bo‘lib qolardi.

Qolgan chaqiruvlarga tegilmaydi: qasos (jang allaqachon o‘ynalgan), yaqindagilar, kod bilan qo‘shilish va tezkor jang — hammasida tanishuv boshqa yo‘ldan bo‘lgan.

Profildagi tugma aloqaga qarab tanlanadi (FriendButton): «Do‘stlikka qo‘shish» → «So‘rov yuborildi» (yonida «Qaytarib olish») → do‘st bo‘lgach «So‘zjangga chaqirish». Kelgan so‘rovga esa o‘sha joyda javob beriladi. Aloqa kelmaguncha tugma chizilmaydi: bir ko‘rinishdan ikkinchisiga sakrab o‘tsa ekran titrab ketardi.

Tasdiqlangan hisobda chaqiruv tugmasi ilgari umuman chizilmasdi. Endi himoyani so‘rovning o‘zi beradi: nishon egasi rad etsa chaqiruv baribir kelmaydi, qabul qilsa esa chaqiruvni o‘zi xohlagan bo‘ladi.

Yozishni faqat Cloud Functions qiladi (friendRequest, friendRespond, friendRemove). Do‘stlik ikki nusxada yoziladi — friends/{a}/list/{b} va teskarisi; mijozga qoldirilsa, odam o‘zini xohlagan kishining ro‘yxatiga qo‘shib qo‘yardi. So‘rov hujjatining nomi juftlikdan yasaladi ({kichik}_{katta}), ya’ni ikki odam orasida bir vaqtda ikkita ochiq so‘rov bo‘lishi mumkin emas.

Cheklovning o‘zi bayroq ortida: config/friends.inviteRequiresFriends. Yoqilganda reyting va o‘lja jadvalidagi tezkor chaqiruv tugmasi faqat do‘stlarda ko‘rinadi (useCanInvite) — qolganiga profil orqali boriladi. Bayroq o‘chiq bo‘lsa hammasi avvalgidek, lekin saytdagi profil tugmasi baribir do‘stlik oqimini ko‘rsatadi (ilovadagidek).

Bildirishnomalar

Sarlavhadagi qo‘ng‘iroq (src/components/Notifications.tsx) kirgan odamda turadi va ikki varaqli oyna ochadi: xabarlar va do‘stlar.

Alohida kolleksiya yo‘q — ro‘yxat bor ma’lumotdan yig‘iladi (buildNotifications): do‘stlik so‘rovlari friend_requests dan, chaqiruvlar battle_invites dan. Shuning uchun so‘rovga javob berilishi bilan qator ro‘yxatdan o‘zi ketadi va «o‘qildi» degan bayroqni yozib yurish kerak emas. Uch xil qator bor: kelgan do‘stlik so‘rovi, qabul qilingan so‘rovim va jangga chaqiruv; muddati o‘tgan chaqiruv ro‘yxatda turmaydi — javob tugmalari baribir ishlamaydi.

«Qayergacha ko‘rilgani» brauzerda saqlanadi va vaqt bo‘yicha sanaladi, sanoq bo‘yicha emas: xabarlar ro‘yxatdan chiqib ham ketadi (chaqiruv so‘nadi, so‘rovga javob beriladi) va sanoq kamayganda hisob buzilardi.

Janglar tarixi

Kirilgan odam o‘zining oxirgi janglarini ko‘radi (ArenaHistory): battles to‘plami players.{uid}.joinedAt bo‘yicha saralanadi — bu ilovadagi maydon sahifasidagi so‘rovning o‘zi. Ro‘yxat o‘yinlarni ajratmaydi: qatorda qaysi o‘yin, kim bilan, qanday tugagani va reyting qancha o‘zgargani (ratingBefore/ratingAfter farqi) turadi.

Firebase sozlamalari

src/firebase/config.ts — prod muhitining ochiq web konfiguratsiyasi (mijozda ochiq bo‘lishi normal). Firebase konsolida ikki narsa yoqilgan bo‘lishi kerak:

• Authentication → Sign-in method: Anonymous va Email/Password;
• Authentication → Settings → Authorized domains: sozgir.uz (parolni tiklash havolasi shu domenga ishlaydi).

Hozir appId admin panel bilan bir xil web ilova. Landing uchun alohida ilova ochilsa, faqat shu fayl yangilanadi.

O‘zbek alifbosi

src/lib/uz.ts — ilovadagi lib/core/utils/uz_alphabet.dart ning aniq porti. sh, ch, oʻ, gʻ bitta harf hisoblanadi: bitta katak, bitta tugma.

split('boshqa'); // ['b', 'o', 'sh', 'q', 'a'] — 6 emas, 5

Apostroflar ikki xil: ʻ (U+02BB, oʻ/gʻ ichida) va ʼ (U+02BC, tutuq — maʼno). normalize() istalgan apostrof turini shu kanonik shaklga keltiradi.

Ekranga chiqarishda pretty() ishlatiladi — Nunito shriftida U+02BB va U+02BC glifi yo‘q, fallback shrift chaqirilib matnda bo‘shliq paydo bo‘lardi. Shuning uchun ko‘rsatishda ular ‘ va ’ ga almashtiriladi, ma’lumot fayllari esa kanonik holatda qoladi.

Jangdagi reaksiyalar

Jang davomida raqibga bitta belgi yuboriladi — ilovadagi BattleReaction ning aynan o‘zi: 😭 🌚 😎 🤯 🤪 🥸 🫡. Ro‘yxat yopiq, erkin matn yo‘q: demak moderatsiya ham kerak emas va Firestore qoidalari aynan shu yetti kalitni qabul qiladi. Ilovadan yuborilgan reaksiya saytda, saytdan yuborilgani ilovada ko‘rinadi.

Yozuv: battles/{id}/reactions/{uid} — har o‘yinchiga bitta hujjat, { key, at }. Jang hujjatining o‘ziga tegilmaydi (u serverniki), shuning uchun bu yo‘l mijozga ochiq: reaksiya Cloud Function orqali emas, to‘g‘ridan-to‘g‘ri Firestore’ga yoziladi. Qoidalar yangi yozuvni eskisidan kamida 1.5 soniya keyin qabul qiladi — tugma esa 2 soniya «sovib» turadi va shu vaqt ichida uning o‘rnida yuborilgan belgi turadi (xira ikonka «buzilib qoldi» degan taassurot berardi).

Yuborish «optimistik»: javob kutilmaydi va xato jim yutiladi — reaksiya yetib bormagani o‘yinga ta’sir qilmaydi, jang esa to‘xtamasligi kerak.

Kelgan reaksiya raqib paneli ustida chiqib, chayqalib turadi va yuqoriga suzib ketadi (.burst). Yangi voqea sanoq (token) bilan belgilanadi: element qaytadan yaratiladi, ya’ni raqib ketma-ket bir xil belgini yuborsa ham har biri ko‘rinadi.

«Yangi reaksiya» hujjatdagi at ni o‘z soatimiz bilan emas, oldingi suratdagi qiymat bilan solishtirib aniqlanadi: at raqibning qurilmasidan olinadi va u biznikidan orqada bo‘lsa hech qachon «yangi» bo‘lmasdi. Birinchi surat faqat boshlang‘ich nuqta — jangdan oldin yuborilgan reaksiya qaytadan chiqmaydi.

Tugma jang ketayotganda ham, o‘z navbatim tugab raqibni kutayotganda ham ko‘rinadi — aynan o‘sha kutish paytida u eng o‘rinli.

Alifbolar: lotin, yangi lotin, kirill

Sayt ham ilovadagidek uch alifboda o‘qiladi. Sarlavhadagi O‘ tugmasi ro‘yxatni ochadi: Lotin (O‘zbek tili), Yangi lotin (Özbek tili) va Кирилл (Ўзбек тили). Tanlov localStorage da — sozgir.script.

Asosiy qoida ilovanikiga aynan teng: lug‘at, Firestore, sessiya — hammasi eski lotinda saqlanadi. Alifbo faqat ekranga chiqishda almashtiriladi, kiritishda esa darhol eski lotinga qaytariladi. Shu sababli kunlik so‘z, reyting, jang va ulashish uch alifboda ham bir xil ishlaydi.

Ikki xil ko‘chirish bor va ular aralashmaydi:

Nima	Qanday	Misol
O‘yin so‘zi	harfma-harf, birlik soni o‘zgarmaydi	yosh → ЙОШ (3 katak)
Interfeys matni	to‘g‘ri imlo	yosh → ёш, eshik → эшик

Agar o‘yin so‘zi ham to‘g‘ri imloda yozilsa, kirillcha ёш ikki katak bo‘lardi — kunlik so‘z hammaga bir xil bo‘lishi va jang ikki o‘yinchiga bir xil to‘r berishi kerak, ya‘ni katak soni o‘zgarishi mumkin emas.

Ko‘chirish bitta joyda, src/lib/scriptDom.ts da: ilovadagi AppText vidjetining o‘rnini bosadi. React chizgan matn tugunlari o‘qiladi, asl (eski lotin) shakli WeakMap da eslab qolinadi va ekranga tanlangan alifbodagi shakli qo‘yiladi; keyingi o‘zgarishlarni MutationObserver ushlaydi. Har bir matnni alohida o‘rash shart emas — keyin qo‘shiladigan matn ham o‘zi ko‘chadi. React xalaqit ko‘rmaydi: u virtual daraxtiga qaraydi, DOM’dagi matnni o‘qimaydi.

Istisnolar data-script atributi bilan belgilanadi:

• word — harfma-harf ko‘chiriladi: taxta, klaviatura, natija so‘zi, alifbo bo‘limidagi kataklar;
• off — umuman tegilmaydi: alifbo tanlash ro‘yxati (har bir variant o‘z alifbosida turishi kerak), logotip harflari va fizik klaviatura maslahatidagi <kbd> tugmalari;
• atribut matnlari (title, aria-label, placeholder, alt) doim to‘g‘ri imloda — ular gap, katak emas.

Brend va manzillar ko‘chirilmaydi: URL, email, sozgir.uz, @sozgir_uz va ro‘yxatdagi nomlar (Telegram, App Store, Payme, Elo, …).

Kiritish teskari yo‘ldan o‘tadi (toLatin): kirill yoki yangi lotinda yozilgan taxallus, alifbo bo‘limidagi so‘z va xabar izohi darhol eski lotinga o‘giriladi — maydonda ham, serverda ham bitta shakl turadi. Fizik klaviatura ham shunday: ш bosilsa sh katagi to‘ladi (gameKey → keyAction).

Ulashish matni ataylab lotinda qoladi — ilovadagidek: natijani boshqa odam o‘qiydi, uning alifbosi boshqacha bo‘lishi mumkin.

Ishga tushirish

npm ci
npm run dev      # http://localhost:5173
npm run build    # tsc -b && vite build → dist/
npm run lint     # oxlint

Node 22+ kerak.

Tuzilma

api/
  contact.ts    aloqa formasini Telegramga uzatuvchi Edge Function
  ol.ts         ulashish havolasi ochilganini qayd qiluvchi Edge Function
src/
  components/   bo‘limlar (Hero, Rules, Alphabet, Modules, …)
    Header.tsx    sarlavha: bo‘limlar, alifbo, mavzu, hisob, «O‘ynash», telefon menyusi
    ScriptPicker.tsx  alifbo tanlash (ilovadagi `ScriptSheet`)
    Footer.tsx    ko‘p ustunli footer
    GamePage.tsx  `/oyin` sahifasi: taxta + statistika + reyting
    AdBanner.tsx  banner reklama: yorliqli ramka, joyni oldindan band qilish
    PlayHub.tsx   `/oynash`: So‘ztop yoki So‘zjang tanlovi
    BattlePage.tsx  `/sozjang`: chaqiruv, tezkor jang va jangning o‘zi
    GunchaPage.tsx  `/guncha`: gul, daraja va topilgan so‘zlar
    GunchaBattlePage.tsx  `/gunchajang`: lobbi, taymerli jang va natija
    GunchaFlower.tsx  yettita oltiburchak: yurak harf va olti barg
    GunchaCard.tsx  `/oynash` dagi g‘uncha kartochkasi
    ArenaHistory.tsx  janglar tarixi (ikkala o‘yin bitta ro‘yxatda)
    CodeInput.tsx   olti katakli chaqiruv kodi (ikkala jangda)
    Reactions.tsx   reaksiya tugmasi va kelgan belgi (ikkala jangda)
    BattleStats.tsx  So‘zjang reytingi kartochkasi (ilovadagi RatingCard)
    BattleBoard.tsx  So‘zjang reytingi jadvali (battle_ratings, robotlarsiz)
    Versus.tsx    arena afishasi: kutish, 3-2-1 va «kelmadi» holatlari
    PlayerPage.tsx  `/oyinchi/{uid}`: o‘yinchining ochiq profili
    SendInvite.tsx  yuborilgan chaqiruv (revansh / jadvaldan) — javob kutish oynasi
    InviteOverlay.tsx  kelgan chaqiruv — istalgan sahifada pastdan chiqadi
    OpponentBoard.tsx  raqib yo‘li — faqat ranglar
    Play.tsx      o‘yin bo‘limi: rejim, natija, qisqa statistika
    Support.tsx   qo‘llab-quvvatlash bo‘limi (bosh sahifa), DonateForm
    SupportPage.tsx  `/qollab`: shakl, darajalar, top donatchilar
    Board.tsx     taxta va o‘zbek klaviaturasi
    StatsPanel.tsx  statistika va urinishlar taqsimoti
    Leaderboard.tsx kunlik va umumiy reyting
    BadgesPage.tsx  `/nishonlar`: yigirmata nishon, yo‘lakcha va izoh
    BadgesCard.tsx  yon ustundagi qisqa nishonlar kartochkasi
    AnswersPage.tsx `/javoblar`: bugungi javob (spoyler) va arxiv
    EndlessPage.tsx `/cheksiz/{n}-harf`: o‘yin + o‘sha uzunlik haqida matn
    GuidePage.tsx   `/qollanma` ro‘yxati va maqolaning o‘zi
    UpdatesPage.tsx `/yangiliklar`: o‘zgarishlar vaqt chizig‘i
    AppPopup.tsx    telefonda chiqadigan ilova taklifi
    Account.tsx   hisob tugmasi va kirish oynasi
  data/
    site.ts     barcha matn va havolalar — dizaynga tegmasdan tahrirlash uchun
    pages.ts    sahifalar: manzil, sarlavha, tavsif va statik matn
    privacy.ts  maxfiylik siyosati matni (uz + en)
  firebase/
    config.ts   prod muhitining web konfiguratsiyasi
    paths.ts    Firestore yo‘llari — ilova bilan bir xil
    rest.ts     ochiq hujjatlarni SDK’siz o‘qish
    client.ts   SDK’ni kechiktirib yuklash (app + auth + firestore/lite)
    profile.ts  `users/{uid}` hujjati
    errors.ts   auth xato kodlari → o‘zbekcha matn
  lib/
    uz.ts       alifbo, normalize/split, Wordle baholash
    script.ts   uch alifbo: harf jadvallari, harfma-harf va to‘g‘ri imlo
    useScript.ts  tanlangan alifbo (store + `useScript` hook), qisqartmalar
    scriptDom.ts  sahifani tanlangan alifboga ko‘chiruvchi (`AppText` o‘rni)
    modes.ts    rejim, uzunliklar, urinishlar soni
    daily.ts    kunlik raqam, sana kaliti va deterministik so‘z tanlovi
    dictionary.ts  lug‘at (REST + localStorage kesh + versiya tekshiruvi)
    aqcha.ts    aqcha va o‘lja — ko‘rsatish birliklari
    score.ts    mukofot formulasi (ScoreCalculator porti)
    progress.ts statistika, topilgan so‘zlar, cloud yozuv va tiklash
    nickname.ts taxallus filtri (nickname_filter.dart porti)
    leaderboard.ts  kunlik va umumiy reyting jadvallari
    battle.ts   Jang hujjatining turlari va chaqiruvlari (`game` bilan)
    activeBattle.ts  ochiq jang: qaysi o‘yin, qaysi sahifa, qaysi hujjat
    battleHistory.ts  janglar tarixi (`players.{uid}.joinedAt` bo‘yicha)
    scores.ts   hisob kitobi: o‘yin ulushi, umumiy va onlayn hisob
    loginId.ts  telefon raqam → kirish emaili (`LoginIdentifier` porti)
    guncha.ts   g‘uncha: lug‘at, yasash, hisob, daraja va hukm
    gunchaLexicon.ts  g‘uncha lug‘ati — bir marta yig‘iladi
    gunchaDaily.ts  kunlik g‘unchaning harflari (`guncha/{sana}`)
    gunchaProgress.ts  topilgan so‘zlar, yig‘ma hisob va cloud yozuvi
    gunchaBattle.ts  g‘uncha jangining funksiyalari
    useGuncha.ts  yakka g‘unchaning holati
    useGunchaJang.ts  g‘uncha jangining holati: sanoq, so‘z, raqib
    reactions.ts  jangdagi reaksiyalar: ro‘yxat, yuborish va kuzatuv
    donor.ts    homiylik darajalari va reklamasiz rejim (bitta donatlar so‘rovidan)
    ads.ts      reklama: bloklar, `app/ads` kaliti, Yandex skripti va yorliqlar
    publicProfile.ts  ochiq profil: scores + battle_ratings + kunlik + donatlar
    useSozjang.ts  So‘zjang holati (chaqiruv, navbat, jang)
    auth.tsx    hisob holati va amallari
    useGameChoice.ts  rejim va uzunlik tanlovi
    useSozTop.ts  o‘yin holati (kunlik + cheksiz)
    useReveal.ts  scroll animatsiyasi va mavzu almashtirish
    useRoute.ts   kichik router (`/`, `/oynash`, `/oyin`, `/sozjang`, `/guncha`, `/gunchajang`, `/oyinchi/{uid}`, `/qollab`, `/privacy`, `/contact`)
    battleRating.ts  So‘zjang reytingi: darajalar va `battle_ratings/{uid}` kuzatuvi
  styles/
    theme.css   dizayn tokenlari (yorug‘ + tungi)
    landing.css bo‘lim uslublari
    play.css    hisob oynasi, o‘yin bo‘limlari va `/oyin`, `/sozjang`
    guncha.css  gul, daraja, jang paneli, natija va janglar tarixi
vite/
  prerender.ts  build oxirida har manzilga HTML fayl va sitemap.xml

Brauzerda saqlanadigan kalitlar

Kalit	Nima
sozgir.theme	mavzu tanlovi (admin panel bilan bir xil)
sozgir.session	oldingi tashrifda kirilganmi (SDK’ni darhol yuklash uchun)
sozgir.nickname	ko‘rinadigan nom
sozgir.script	tanlangan alifbo (lotin / yangi lotin / kirill)
sozgir.settings	qattiq rejim va avto to‘ldirish
sozgir.dict.{4..7}	lug‘at keshi
sozgir.game.{mode}.{length}	boshlangan o‘yin
sozgir.stats.{mode}.{length}	statistika
sozgir.found	topilgan so‘zlar va ularning tiyini
sozgir.endless.{length}	cheksiz rejim o‘yin raqami
sozgir.pending	kirilmagan holda o‘ynalgan, hali yozilmagan natijalar
sozgir.length	cheksiz rejimdagi so‘z uzunligi
sozgir.battle	boshlangan jang
sozgir.battle.words.{id}	o‘sha jangdagi taxminlarim
sozgir.battle.length	So‘zjangdagi so‘z uzunligi
sozgir.guncha.daily.{sana}	kunlik g‘unchaning harflari (oxirgi 3 kun)
sozgir.guncha.round.{id}	bitta g‘unchada topilgan so‘zlar
sozgir.guncha.total	g‘unchadan yig‘ilgan tiyin va so‘zlar soni
sozgir.guncha.practice	mashq g‘unchasining raqami
sozgir.guncha.battle	boshlangan g‘uncha jangi
sozgir.guncha.battle.words.{id}	o‘sha jangda topgan so‘zlarim
sozgir.badges.earned	olingan nishonlar
sozgir.badges.shares	natija necha marta ulashilgani («Jarchi»)
sozgir.updates.seen

Store havolalari src/data/site.ts dagi links.appStore va links.playStore da — to‘ldirilgani tugma bo‘lib chiqadi, bo‘shi «Tez orada» holatida qoladi. App Store havolasi joy (storefront) ko‘rsatilmasdan beriladi (apps.apple.com/app/id…): Apple uni foydalanuvchining hisobiga qarab o‘zi tanlaydi, /us/ bilan esa o‘zbek foydalanuvchi Amerika do‘koniga tushib qolardi.

Natija ulashilganda havola links.share — ya‘ni /oyin. Ulashilgan natijani bosgan odam tanishtiruv sahifasiga emas, o‘yinning o‘ziga tushishi kerak.

Dizayn

Sayt — tanishtiruv sahifasi, ilovaning nusxasi emas. Bir vaqt u ilovadagidek yon menyu, AppBar va bosh ekrandagi kartochkalar bilan qurilgan edi; foydalanuvchilar buni admin panelga o‘xshatdi. Shuning uchun tuzilma oddiy veb-saytniki: tepada sticky sarlavha (logotip, bo‘limlar, mavzu, hisob, «O‘ynash»), bosh sahifada haqiqiy o‘yinli hero, kartochkali bo‘limlar, gradientli «Yuklab olish» bloki va ko‘p ustunli footer. Telefonda bo‘limlar menyu tugmasi ostidagi to‘liq ekranli ro‘yxatga yig‘iladi.

Ranglar ilovaning app_palette.dart faylidan olingan — sayt va ilova bir palitrada, lekin sayt kengroq bo‘sh joy, kattaroq sarlavha va yumaloq kartochkalar bilan ajralib turadi. Tungi rejim tanlovi localStorage da sozgir.theme kalitida saqlanadi (admin panel bilan bir xil).

Avatar ilovadagi BattleAvatar + AvatarPhoto bilan bir xil (src/components/Avatar.tsx): profil rasmi bo‘lsa — rasm, bo‘lmasa taxallusning bosh harfi, rang taxallusdan hisoblanadi (kod birliklari yig‘indisi mod 6, palitra ilovadagi bilan aynan).

Profil rasmi

Ilova 1.1.5 sxemasi: rasm Storage’da emas, Firestore’da base64 JPEG — avatars/{uid} (64 px thumb, ≤ 4000 belgi) va avatars/{uid}/sizes/full (256 px data, ≤ 40 000 belgi); o‘qish hammaga ochiq, yozish egasiga. Saytda rasm brauzerda tayyorlanadi (src/lib/avatarImage.ts: kvadratga kesish, kichraytirish, chegaraga sig‘guncha sifatni pasaytirish — ilovadagi AvatarImage bilan bir xil sonlar) va SDK bilan ikki hujjatga bitta batch’da yoziladi.

O‘qish src/lib/avatars.ts orqali: bir ekrandagi avatarlar 60 ms ichida yig‘ilib bitta REST batchGet so‘roviga tushadi (SDK kerak emas, hujjat ochiq), natija brauzerda uch kun keshlanadi — «rasmi yo‘q» ham. Profil oynasida (AvatarEditor) rasm qo‘yish, almashtirish va o‘chirish; telefon brauzeri fayl tanlashda kamerani ham taklif qiladi.

Logotip public/logo.svg dan ko‘chirilgan, lekin Logo.tsx da currentColor bilan qayta chizilgan — shunda u tungi rejimda ham to‘g‘ri ko‘rinadi.

Jang natijasi — rasm bo‘lib

So‘zjang va G‘uncha jangining natijasi rasm bilan ulashiladi (src/lib/shareCard.ts, ilovadagi BattleShareCard ning ko‘chirmasi). Ilgari sayt faqat matn yuborardi: emoji to‘r va havola. Chatda u boshqa xabarlar orasida ko‘zga tashlanmasdi, ilova esa allaqachon rasm yuborardi — bitta natija ikki joyda ikki xil ko‘rinardi.

Kartochka ekranda turmaydi: xotiradagi canvas ga 540×640 o‘lchamda chiziladi va 1080×1280 PNG bo‘lib chiqadi. Ranglar sahifaning yorug‘/tungi rejimiga bog‘liq emas — karta hamma qurilmada bir xil. Ustida natija yorlig‘i, maqtov gapi, ikki tomonning hisobi (maydonda esa o‘rin), javob yoki g‘uncha harflari va sozgir.uz turadi.

Maqtov gapi src/lib/shareLines.ts dan, jang raqamiga qarab tanlanadi: kartochka qayta yasalsa o‘sha gap chiqadi, aks holda ulashilgan natija har safar boshqacha ko‘rinardi.

Ulashish yo‘li ikkita: brauzer fayl ulashishni bilsa (telefonlar) tizim oynasi ochiladi, bilmasa rasm yuklab olinadi — kompyuterda ham odam qo‘lida kartochka qoladi.

Ulashish havolalari

Yuklab olish sahifasi bitta, manzil esa har tarmoq uchun alohida — shunda qaysi tarmoq qancha odam olib kelgani ko‘rinadi:

Havola	Manba kaliti	Qayerda ishlatiladi
sozgir.uz/ol	web	to‘g‘ridan-to‘g‘ri ulashish, QR, matbuot
sozgir.uz/t/ol	telegram	Telegram kanali va guruhlar
sozgir.uz/x/ol	x	X (Twitter)
sozgir.uz/th/ol	threads	Threads
sozgir.uz/i/ol	instagram	Instagram — profildagi havola
sozgir.uz/tt/ol	tiktok	TikTok
sozgir.uz/y/ol	youtube	YouTube
sozgir.uz/f/ol	facebook	Facebook
sozgir.uz/ln/ol	linkedin	LinkedIn
sozgir.uz/ak/ol	kulgili	«Kulgili ovozlar» kanalidagi reklama

Sahifa nusxalanmaydi: hammasi vercel.json dagi bitta rewrite bilan public/ol/index.html ga yo‘naltiriladi (/:channel(t|x|th|i|tt|y|f|ln|ak)/ol). Brauzerdagi manzil o‘zgarmaydi, shuning uchun manba location.pathname dan olinadi. Ro‘yxatda yo‘q bo‘lak (/zz/ol) other bo‘lib qoladi. canonical va og:url esa doim /ol — ya’ni izlash tizimlari uchun bu bitta sahifa, tarmoq nusxalari indeksni bo‘lmaydi.

Yangi tarmoq qo‘shish uchun uch joy yangilanadi: vercel.json dagi rewrite, sahifadagi CHANNELS xaritasi va api/ol.ts dagi SOURCES. Firestore qoidalaridagi linkSources() ro‘yxati ham (soztop/firestore.rules) — aks holda yozuv rad etiladi.

Qayd va statistika

Sahifa ochilganda /api/ol ga bitta sendBeacon ketadi (javob kutilmaydi, do‘konga o‘tish kechikmaydi), api/ol.ts esa ikki ish qiladi:

1. Telegram — alohida mavzuga xabar: manba, sahifa, joy (shahar va davlat), qurilma, OS, brauzer, ekran, til, vaqt mintaqasi va yo‘naltirgan sayt. Birinchi qator heshteglar: #ol #telegram #ios #UZ, ya’ni guruhda manba yoki platforma bo‘yicha filtrlash mumkin. Ilova ichidagi brauzerlar alohida ajratiladi («Instagram ichida», «Telegram ichida») — bu manbani URL’dan mustaqil tasdiqlaydi.
2. Firestore — link_hits/{manba}_{sana} hujjatidagi hisoblagich bittaga oshadi (hits va shu platformaning hisoblagichi). Admin panelning Statistika → Havolalar bo‘limi shundan o‘qiydi.

Bir tashrifda bir marta sanaladi (sessionStorage), preview botlari esa umuman hisobga olinmaydi. IP yozilmaydi — shahar va davlat yetadi.

Yozuv hisobsiz ketadi, shuning uchun himoya qoidalarda: link_hits ga faqat «bitta bosish qo‘shildi» shaklidagi yozuv o‘tadi (maydonlar ro‘yxati qat’iy, hits aynan bittaga oshadi, manba ro‘yxatdan). O‘qish faqat moderatorda.

Kerakli muhit o‘zgaruvchisi — TELEGRAM_OL_THREAD (havolalar mavzusining raqami). Berilmasa xabar guruhning asosiy oqimiga tushadi; token yoki chat bo‘lmasa xabar yuborilmaydi, hisoblagich baribir yoziladi.

Pullik joylashtirish aralashib ketmasin uchun /ak/ol ning o‘z mavzusi bor — «Kulgili ovozlar (reklama)», raqami api/ol.ts dagi AK_THREAD (maxfiy emas). Mavzu boshqasiga ko‘chsa, kodga tegmay TELEGRAM_AK_THREAD bilan almashtirsa bo‘ladi. Yangi mavzu ochish (bot guruhda admin bo‘lsin):

curl -s "https://api.telegram.org/bot$TELEGRAM_BOT_TOKEN/createForumTopic" \
  -d chat_id="$TELEGRAM_CHAT_ID" -d name="Kulgili ovozlar (reklama)"

Javobdagi message_thread_id — o‘sha raqam.

Aloqa formasi va Telegram

/contact dagi forma api/contact.ts (Vercel Edge Function) ga yuboriladi, u esa xabarni Telegram guruhiga tashlaydi. Xabar formati soztop ilovasidagi Reporter bilan bir xil, shunda ikki oqim bitta guruhda bir ko‘rinishda bo‘ladi. Saytdan kelgan har bir xabarning birinchi qatori #web, ostida yozgan odamning ismi va emaili — guruhda manbani ajratish va qidirish uchun.

Vercel muhit o‘zgaruvchilari (Project → Settings → Environment Variables):

Kalit	Nima
TELEGRAM_BOT_TOKEN	bot tokeni
TELEGRAM_CHAT_ID	guruh yoki kanal ID (masalan -1001234567890)
TELEGRAM_CONTACT_THREAD	mavzu (topic) raqami, ixtiyoriy
TELEGRAM_OL_THREAD	ulashish havolalari uchun mavzu raqami, ixtiyoriy
TELEGRAM_AK_THREAD	/ak/ol reklamasi mavzusi, ixtiyoriy (kodda AK_THREAD)

Token yoki chat berilmasa funksiya 503 qaytaradi, forma esa foydalanuvchiga pochta manzilini ko‘rsatadi. Lokalda npm run dev bilan faqat sahifalar ishlaydi — funksiyani sinash uchun vercel dev kerak.

Statik HTML va sitemap

Sayt — SPA, ya‘ni serverdan kelgan HTML‘da bir paytlar <div id="root"></div> dan boshqa hech narsa yo‘q edi: hamma manzil bir xil 2 KB fayl, bir xil sarlavha, bir xil tavsif. JavaScript ishlatmaydigan har qanday o‘quvchi — qidiruv roboti, reklama tarmog‘ining moderatsiya tizimi, ijtimoiy tarmoqdagi havola ko‘rinishi — butun saytni bo‘sh deb ko‘rardi. /sitemap.xml ham o‘sha bo‘sh HTML‘ni qaytarardi.

Endi build tugagach dist/ ga har manzil uchun o‘z fayli yoziladi:

dist/index.html            /
dist/oynash/index.html     /oynash
dist/oyin/index.html       /oyin
…
dist/sitemap.xml

Har birida o‘z <title>, <meta description>, <link canonical>, og: yorliqlari va #root ichida o‘sha sahifaning matni. React createRoot o‘rnashayotganda konteynerni tozalaydi, ya‘ni statik matn ilova chizilishi bilan almashadi — sahifada takror ko‘rinmaydi. Sekin ulanishda esa u bir necha soniya ko‘rinib turadi, bu ham yutuq: odam bo‘sh oq sahifaga qarab o‘tirmaydi.

Manba bitta — src/data/pages.ts. Undan uch narsa oziqlanadi: router bilgan manzillar (useRoute.ts), document.title (App.tsx) va build paytida yasaladigan fayllar (vite/prerender.ts). Statik matn sahifadagi h1 va section__lead dan ko‘chirilgan, bosh sahifa va maxfiylik siyosati esa data/site.ts va data/privacy.ts dan generatsiya qilinadi — ya‘ni odam ko‘radigan matnning aynan o‘zi. Robotga boshqa, odamga boshqa matn ko‘rsatish klouking hisoblanadi va saytni qidiruvdan ham, reklama tarmog‘idan ham chiqarib yuboradi.

Qolip topilmasa yoki vercel.json da manzilning qoidasi bo‘lmasa build yiqiladi. Jim o‘tib ketilsa dist ga noto‘g‘ri sarlavhali fayllar yozilardi yoki yangi sahifa bosh sahifaning matni bilan ochilaverardi — ikkalasini ham faqat qidiruvda sezardik.

/oyinchi/{uid} parametrli, shuning uchun sitemap.xml ga tushmaydi, lekin o‘z HTML fayli bor: vercel.json dagi qoida barcha uid larni o‘shanga yo‘naltiradi, aks holda o‘yinchi profili bosh sahifaning matni bilan ochilardi. /kunlik ham shunday — u /oyin ning fayliga tushadi.

npm run preview bu yerda Vercel‘ni to‘liq takrorlamaydi: vite‘ning preview serveri /oynash ga ham index.html ni beradi. Tekshirish uchun deploydan keyin curl -s https://sozgir.uz/oynash | grep title.

Deploy

Vercel: vercel.json tayyor (framework vite, chiqish dist, SPA uchun rewrite). Repo ulansa qo‘shimcha sozlash kerak emas.

Stack

Vite · React 19 · TypeScript · Firebase (auth + firestore/lite, kechiktirib yuklanadi) · oxlint. CSS freymvorki yo‘q — faqat CSS o‘zgaruvchilari.