Fazo Task
Dizayn jamoasi uchun o‘zbekcha vazifa paneli. Har bir rolning o‘z paneli bor. Dizayn asosi: mankiw-chapters.
Rollar
| Rol | Panel | Nima qiladi |
|---|
| Administrator | Jamoa · Statistika | Project manager va dizaynerlarni qo‘shadi, tahrirlaydi, o‘chiradi, parolini tiklaydi. Statistikani kuzatadi. Vazifalarga aralashmaydi. |
| Project manager | Vazifalar · Dizaynerlar | Vazifa qo‘yadi, tahrirlaydi, bekor qiladi yoki qayta ochadi, ochiq ro‘yxatga qaytaradi, o‘chiradi. |
| Dizayner | Mening vazifalarim · Ochiq vazifalar | Ochiq vazifani o‘zi oladi, ishni PMga ko‘rsatadi va «Tugatdim» deb belgilaydi. |
Hodim qo‘shish va parol
- Administrator hodimning ism-familiyasini, rolini va loginini kiritadi. Parol kiritilmaydi.
- Hodim kirish sahifasida **«Ro‘yxatdan o‘tish»**ni tanlaydi, loginni kiritadi va parolni o‘zi yaratadi. Parolni administrator ko‘rmaydi.
- Parol unutilsa, administrator **«Parolni tiklash»**ni bosadi — hodim yana ro‘yxatdan o‘tib, yangi parol yaratadi.
Login berilgandan to hodim ro‘yxatdan o‘tguncha o‘sha loginni bilgan istalgan odam parol o‘rnatib qo‘yishi mumkin. Shuning uchun loginni hodimning o‘ziga bering. Kim hali ro‘yxatdan o‘tmaganini jamoa sahifasida ko‘rasiz.
Vazifa oqimi
Ochiq → Jarayonda → Bajarildi (PM xohlasa istalgan bosqichda Bekor qilingan)
- PM vazifani qo‘yadi. Majburiy maydonlar: nom, TZ (matn yoki fayl, kamida bittasi) va nechta rasm kerakligi. Ixtiyoriy: referenslar (namuna rasmlar moodboard ko‘rinishida va Pinterest/Behance/Dribbble kabi havolalar), muddat (kalendardan tanlanadi) va 1–5 yulduz muhimlik. Vazifa hech kimga biriktirilmaydi.
- Vazifa **«Ochiq vazifalar»**da turadi. Dizaynerlar TZ ni ochib ko‘radi va **«Men olaman»**ni bosadi. Ikki dizayner bir vaqtda bossa, faqat bittasi oladi.
- Dizayner ishni PMga og‘zaki ko‘rsatadi. Kelishilgach, o‘zi «Tugatdim» deb belgilaydi, xohlasa izoh yoki havola qoldiradi. Rasm yuklash hozircha ixtiyoriy.
- Dizayner vazifani bo‘shatishi mumkin, PM esa uni ochiq ro‘yxatga qaytarishi mumkin. Bunda yuklangan rasmlar o‘chadi.
- PM istalgan paytda vazifani tahrirlaydi, bajarilganini ham. Tugamagan vazifani sabab yozib bekor qiladi: dizayner uni «Bekor qilingan» guruhida ko‘radi. Bekor qilingan vazifani qayta ochish mumkin — u yana ochiq ro‘yxatga chiqadi. O‘chirish esa vazifani tarixi va fayllari bilan butunlay olib tashlaydi.
Keyinroq «yuklash majburiy» tartibiga o‘tish. src/lib/workflow.ts dagi REVIEW_STEP ni true qiling. Shunda oqim Ochiq → Jarayonda → Tekshiruvda → Bajarildi bo‘ladi: dizayner rasmlarni yuklab topshiradi, PM qabul qiladi yoki sabab yozib qaytaradi. Kod tayyor, faqat o‘chirib qo‘yilgan.
Kirish va tezlik
- Login saqlanadi. Sessiya 180 kun amal qiladi va har kirganda uzayadi. Saytni yopib qayta ochsangiz, o‘sha hisob ochiladi; faqat «Chiqish» bosilganda yoki parol tiklanganda sessiya tugaydi. Kirgan foydalanuvchi
/login ga kirsa, darhol o‘z paneliga o‘tadi.
- Bir zumda ochiladi. Sahifa serverda tayyorlanadi: vazifalar ro‘yxati va TZ matnlari birinchi HTML bilan keladi, brauzer qo‘shimcha so‘rov kutmaydi. Bazaga sovuq ulanish va har bir ro‘yxat bitta tarmoq so‘rovida o‘qiladi.
- Og‘ir narsalar fonda. TZ fayllari va rasmlar sahifa ko‘ringandan keyin, brauzer bo‘sh paytida birma-bir yuklanadi (eng ko‘pi 40 ta) va keshga tushadi. Kursor vazifa ustiga kelishi bilan uning fayllari darhol yuklana boshlaydi. Admin statistikasi ham fonda tayyorlanadi.
Statistika
Har bir rolda «Statistika» bo‘limi bor; davr — 7 kun, 30 kun yoki hammasi (grafikda so‘nggi 90 kun):
- Dizayner — o‘z natijalari: tayyorlagan dizaynlari, bajargan vazifalari, muddatga rioya va kunlik dizaynlar grafigi.
- Project manager — o‘zi bergan TZ lar soni, ular bo‘yicha tayyor dizaynlar, kunlik grafik va kim qancha qilgani.
- Administrator — butun jamoa: kunlik grafik, har bir dizayner bo‘yicha jadval (dizaynlar, vazifalar, vaqtida %, o‘rtacha vaqt, hozirgi ishi; qatorni bosganda — uning kunlik grafigi) va PMlar jadvali.
Yangi hodim qo‘shilsa, u jadvallarda avtomatik paydo bo‘ladi. Bekor qilingan vazifalar statistikaga kirmaydi.
Salomlashish jumlalari
Har panelda «Salom, …» sarlavhasi ostida jumla klaviaturada yozilayotgandek chiqadi: inson kabi to‘xtab-to‘xtab yoziladi, 5–6 soniya turadi, o‘chiriladi va yangisi yoziladi. Har rolga 100 tadan jumla (src/components/quotes.ts) bor, ular holatga qarab tanlanadi: dizaynerning qo‘li bo‘shmi yoki ish ko‘pmi, bugun ko‘p dizayn tayyor bo‘ldimi, muddati o‘tgan ish bormi. Harakat kamaytirilgan rejimda jumlalar animatsiyasiz almashadi.
Yangi kasb qo‘shish
src/lib/types.ts dagi Role turiga yangi rolni qo‘shing.src/lib/roles.ts da roleInfo va memberRoles ga qo‘shing.src/components/workspace.tsx dagi panels ga uning panelini ulang.- Kerak bo‘lsa, API’dagi
requireUser(...) ruxsatlarini kengaytiring.
Ma’lumotlar bazasidagi rol va holat ustunlarida cheklov yo‘q, shuning uchun jadvallarni qayta qurish shart emas.
Mahalliy ishga tushirish
Node.js 22+ talab qilinadi.
npm ci
cp .env.example .env.local
npm run dev
Ochish: http://127.0.0.1:3000. Birinchi kirish: admin / admin. Kirgach, hisob menyusidan parolni almashtiring.
npm run typecheck
npm run build
npm run test:integration
Batafsil: docs/TESTING.md.
Texnologiyalar va saqlash
Next.js App Router, React, TypeScript, Lucide ikonkalari, Turso/libSQL. Mahalliy rivojlantirishda SQLite (fazo.db), Vercel’da esa masofaviy Turso (TURSO_DATABASE_URL, TURSO_AUTH_TOKEN) ishlatiladi.
Server funksiyalari Mumbayda (bom1, vercel.json) ishlaydi — Turso bazasi bilan bir mintaqada (aws-ap-south-1). Baza boshqa mintaqaga ko‘chirilsa, regions ham unga mos o‘zgartirilishi kerak: har bir baza so‘rovi server va baza orasidagi masofani bosib o‘tadi.
Jadvallar:
members — hisoblar;member_sessions — kirish sessiyalari;assignments — vazifalar;attachments — fayllar (bazada, har biri 4 MB gacha);assignment_events — vazifa tarixi.
Avvalgi versiyalardan qolgan users, tasks, employees, team_tasks va boshqa jadvallarga tegilmaydi. Ulardan faqat administrator hisobi bir marta members ga ko‘chiriladi.
Fayllarga kirish huquqi:
- TZ fayllari PM va dizaynerlarga ko‘rinadi. Vazifa olingach, uni faqat olgan dizayner ko‘radi.
- Natija rasmlari faqat PM va shu vazifa dizayneriga ko‘rinadi.
- SVG brauzerda ochilmaydi, faqat yuklab olinadi.
Parollar scrypt bilan xeshlanadi. Sessiyalar HttpOnly cookie orqali ishlaydi. Rol o‘zgarsa, parol tiklansa yoki hodim o‘chirilsa, uning sessiyalari bekor qilinadi.
Dizayn
docs/DESIGN.md — manba, tokenlar va interfeys tamoyillari.
